राजकारणात संघर्षाच्या अनेक कथा आपण ऐकतो, मात्र नागपूर महानगरपालिका निवडणुकीच्या मैदानात एका मातेच्या जिद्दीची अनोखी गोष्ट सध्या संपूर्ण शहरात चर्चेचा विषय ठरली आहे. प्रभाग ३० मधील भाजपच्या उमेदवार पायल कुंदेलवार या आपल्या अवघ्या एक महिन्याच्या चिमुकल
.
निवडणुकीची घोषणा झाली आणि त्याच सुमारास पायल यांना मातृत्वाचा आनंद मिळाला. मात्र, बाळंतपणानंतर विश्रांती घेण्याऐवजी त्यांनी पक्षाने दिलेली जबाबदारी आणि जनसेवेचा वसा पूर्ण करण्याचा निर्णय घेतला. नागपूरच्या तापलेल्या वातावरणात आणि प्रचाराच्या धबडग्यात पायल यांची मोठी ओढाताण होत आहे. कधी त्या आपल्या बाळाला गाडीत सुरक्षित ठेवून चौकसभा आटोपतात, तर कधी बाळ कडेवर असतानाच मतदारांच्या गाठीभेटी घेतात. त्यांच्या चेहऱ्यावरील हसू आणि कामाप्रती असलेली निष्ठा कार्यकर्त्यांमध्येही नवा उत्साह भरत आहे.
भाजप स्त्रियांना कमकुवत मानत नाही – पायल कुंदेलवार
आपल्या या आव्हानात्मक प्रवासाबद्दल बोलताना पायल कुंदेलवार भावूक होतात. त्या सांगतात की, मातृत्वाचा आनंद आयुष्यात सर्वोच्च आहेच, पण समाजाने आणि पक्षाने माझ्यावर जो विश्वास टाकला आहे, तो सार्थ ठरवणे हे माझे प्रथम कर्तव्य आहे. भाजप हा असा पक्ष आहे जो स्त्रियांना कधीच कमकुवत मानत नाही. नऊ महिने गरोदर असतानाही मी प्रभागात सक्रियपणे काम केले आहे आणि आता माझी मुलगी शर्वरी ही देखील माझ्या या राजकीय प्रवासातली सर्वात लहान पण महत्त्वाची सोबती बनली आहे.
कुटुंबाची भक्कम साथ आणि जिद्दीचा प्रवास
एक महिन्याच्या लहान बाळाला घराबाहेर नेणे हे कोणत्याही मातेसाठी जिकिरीचे काम असते. या कसरतीत पायल यांना त्यांच्या कुटुंबाची मोठी साथ मिळत आहे. जेव्हा जास्त वेळ बाहेर फिरायचे असते, तेव्हा त्या बाळाला कारमध्ये सोबत नेतात, जेणेकरून तिला तिथे शांत झोप मिळेल आणि तिचे दूध वेळेवर होईल. या प्रवासात त्यांचे पती, आई आणि सासूबाई त्यांची मोठी ताकद बनून उभे आहेत. आपण जेव्हा जनसेवेसाठी बाहेर असतो, तेव्हा हे सर्वजण शर्वरीला जिवापाड जपतात, म्हणूनच आपण निश्चिंतपणे मतदारांपर्यंत पोहोचू शकतो, असे पायल कुंदेलवार आवर्जून नमूद करतात.
प्रचारातला ‘नवा चेहरा’ आणि मतदारांचे कुतूहल
प्रभाग ३० मधील नागरिकही पायल कुंदेलवार यांच्या या धडपडीचे मोठे कौतुक करत आहेत. एका हातात राजकारण आणि दुसऱ्या हातात पाळणा अशा अनोख्या स्वरूपात सुरू असलेला हा प्रचार सध्या नागपुरात आकर्षणाचे केंद्र ठरला आहे. स्वतःच्या सुखसोयींचा विचार न करता चिमुकल्या बाळासह मतदारांच्या दारापर्यंत पोहोचणाऱ्या या ‘लढवय्या’ मातेच्या पदरात आता नागपूरची जनता विजयाचे दान टाकणार का? हे पाहणे औत्सुक्याचे ठरणार आहे.
