अहिल्यादेवी होळकर शिक्षक आदर्श पुरस्काराने अर्चना गिरवलकर सन्मानित:शैक्षणिक क्षेत्रातील उल्लेखनीय कार्यामुळे पुरस्कारासाठी झाली निवड
प्रतिनिधी |पैठण शैक्षणिक क्षेत्रातील उल्लेखनीय कार्य, विद्यार्थ्यांप्रती असलेली निष्ठा आणि समाजाभिमुख उपक्रमांमधील सक्रिय सहभाग याची दखल घेत शिक्षिका अर्चना वसंत गिरवलकर यांना यंदाचा राजमाता पुण्यश्लोक अहिल्यादेवी होळकर आदर्श शिक्षक पुरस्कार प्रदान करण्यात आला. हा मानाचा पुरस्कार छत्रपती संभाजीनगरचे खासदार संदीपान भुमरे यांच्या हस्ते प्रदान करण्यात आला. अर्चना गिरवलकर यांनी सांगितले की, हा पुरस्कार केवळ सन्मान नाही, तर समाजाप्रती आणि विद्यार्थ्यांप्रती असलेल्या निष्ठेची पावती आहे. यावेळी पंचायत समिती सभापती वैशाली बोंबले, नगराध्यक्ष विद्या कावसनकर, जिल्हा परिषद सदस्य, पंचायत समिती सदस्य तसेच समितीचे अध्यक्ष डॉ. भरत झारगड, पंचायत समिती सदस्य दादासाहेब गलांडे आणि डॉ. सखु झारगड यांच्यासह विविध क्षेत्रांतील मान्यवर उपस्थित होते. अर्चना गिरवलकर यांनी शिक्षण क्षेत्रात केलेले समर्पित कार्य, विद्यार्थ्यांच्या सर्वांगीण विकासासाठी घेतलेले परिश्रम आणि गुणवत्तापूर्ण शिक्षणासाठी केलेले योगदान यामुळे त्यांची या पुरस्कारासाठी निवड करण्यात आली. पुरस्कार प्राप्त झाल्यानंतर भारतीय शिक्षण प्रसारक संस्था, अंबाजोगाईचे अध्यक्ष डॉ. सुरेंद्र आलुरकर, उपाध्यक्ष ज्योतीताई ठाकूर, कार्यवाह डॉ. हेमंत वैद्य, विद्यासभा अध्यक्ष डॉ. जयंत जोशी, स्थानिक व्यवस्थापन समितीचे अध्यक्ष डॉ. पद्मकुमार कासलीवाल, कार्यवाह जुगलकिशोर लोहिया, शिवाजी मारवाडी, नंदकिशोर मालाणी, डॉ. राम लोंढे, मनोज शुक्ल, विजय चाटुपळे, किशोर भाकरे, विजय पापडीवाल, रविंद्र साळजोशी, केंद्रीय कार्यकारिणी सदस्य तथा प्राथमिक विभागाचे मुख्याध्यापक भास्कर कुलकर्णी आणि माध्यमिक विभागाच्या मुख्याध्यापिका ज्योती जोशी यांच्यासह अनेक मान्यवरांनी त्यांचे अभिनंदन करून पुढील वाटचालीस शुभेच्छा दिल्या. राजमाता पुण्यश्लोक अहिल्यादेवी होळकर आदर्श शिक्षक पुरस्कार खासदार संदिपान भुमरे यांच्या हस्ते अर्चना गिरवलकर यांना देण्यात आला.
