Petrol Diesel Stock | महाराष्ट्रात पेट्रोल-डिझेलचा साठा किती दिवस पुरणार? छगन भुजबळांचा सर्वात मोठा खुलासा
Petrol Diesel Stock | राज्यात पेट्रोल आणि डिझेलच्या तुटवड्याबाबत विविध अफवा पसरत असतानाच राज्य सरकारने नागरिकांना मोठा दिलासा दिला आहे. छगन भुजबळ (Chhagan Bhujbal) यांनी महाराष्ट्रात इंधनाचा पुरेसा साठा उपलब्ध असल्याचे स्पष्ट केले आहे. नागरिकांनी भीतीपोटी अतिरिक्त इंधन खरेदी करून साठवणूक करू नये, असे आवाहनही त्यांनी केले.
गेल्या काही दिवसांपासून आंतरराष्ट्रीय घडामोडींमुळे पेट्रोल आणि डिझेलच्या किमतींमध्ये चढ-उतार सुरू आहेत. याच पार्श्वभूमीवर देशात आणि विशेषतः महाराष्ट्रात इंधनटंचाई निर्माण होणार असल्याच्या चर्चा सोशल मीडियावर आणि इतर माध्यमांमध्ये सुरू झाल्या. त्यामुळे अनेक ठिकाणी नागरिकांनी गरजेपेक्षा जास्त प्रमाणात पेट्रोल-डिझेल खरेदी करण्यास सुरुवात केली आहे. (Maharashtra Petrol Diesel Stock)
छगन भुजबळ (Chhagan Bhujbal) यांनी माध्यमांशी बोलताना सांगितले की, राज्यात कोणत्याही प्रकारचा इंधनाचा तुटवडा नाही. सरकारकडे आवश्यक तेवढा साठा उपलब्ध आहे आणि पुरवठा सुरळीत सुरू आहे. त्यांनी सांगितले की, मागील काही दिवसांत अतिरिक्त खरेदीमुळे मे महिन्यात पेट्रोल-डिझेल विक्रीमध्ये नेहमीपेक्षा जवळपास 20 टक्क्यांनी वाढ झाली आहे. त्यामुळे नागरिकांनी अफवांवर विश्वास न ठेवता संयमाने वागावे, असे त्यांनी स्पष्ट केले.
Petrol Diesel Stock | सरकारकडून नागरिकांना आवाहन :
राज्य सरकार आणि केंद्र सरकार प्रत्येक नागरिकाला पुरेशा प्रमाणात इंधन उपलब्ध करून देण्यास सक्षम असल्याचा विश्वास छगन भुजबळ (Chhagan Bhujbal) यांनी व्यक्त केला. भीतीपोटी इंधनाचा अतिरिक्त साठा करणे टाळावे, असे सांगत त्यांनी नागरिकांना प्रशासनाला सहकार्य करण्याचे आवाहन केले. यावेळी त्यांनी राज्यातील विविध जिल्ह्यांमधील इंधन विक्रीच्या आकडेवारीचाही उल्लेख केला.
दरम्यान, मुख्यमंत्री देवेंद्र फडणवीस (Devendra Fadnavis) यांनीही याबाबत प्रतिक्रिया देत जिल्हाधिकाऱ्यांना आवश्यक सूचना दिल्याचे सांगितले. शेतीच्या कामांसाठी डिझेलचा मोठ्या प्रमाणात वापर होत असल्याने शेतकऱ्यांना डिझेल पुरवठा सुरळीत राहावा यासाठी नियोजन करण्यात आले आहे. आवश्यकतेनुसार इंधन उपलब्ध करून देण्यासाठी प्रशासन सज्ज असल्याचे त्यांनी स्पष्ट केले.
