Children’s report stopped the flood, plans changed; Model for relief work prepared; Children in Chennai conducted a survey and gave a report to NDMA

मुलांनी आपल्या नकाशात आपत्कालीन सेवांचे लोकेशनही नोंदवले आहे.

चेन्नईच्या व्यासरपाडी येथील जेजेआर नगरचा १७ वर्षीय दिनेश १२वीत शिकतो. डिसेंबर २०२३ मध्ये पुरामुळे त्याची वस्ती बुडाली तेव्हा तो तरुण स्वयंसेवकांमध्ये सामील झाला. त्याने पाहिले की घरात पाणी शिरले होते. वीज नव्हती. लोकांपर्यंत मदतही नीट पोहोचत नव्हती. पण २०२५ मध्ये पुन्हा या भागात पाणी साचले तेव्हा स्थिती वेगळी होती. या वेळी जास्त पाणी साचले नाही. दिनेशने क्षेत्रीय अधिकाऱ्याला फोन केला. २०० लोकांसाठी जेवणाची व्यवस्था झाली. दिनेशप्रमाणेच हरीश, रिशिता आणि थारानी यांना पूर थांबवायचा होता. यूथ क्लायमेट रेझिलियंट मूव्हमेंटशी जोडून ते फ्लड रेझिलियंट प्रोजेक्टचा भाग बनले. त्यांना चेन्नई क्लायमेट ॲक्शन ग्रुप, व्यासाई थोजरगल यांनी मदत केली.

शाळकरी मुलांनी फिरून वस्तीचा नकाशा तयार केला. यात मदत छावण्या, आरोग्य केंद्रे, अग्निशमन केंद्रे यांसारख्या सुविधांची नोंद केली. त्यांनी दरवर्षी पूरग्रस्तांच्या समस्यांची नोंद घेतली. सर्वेक्षणात त्यांना समजले की लोकांना डॉक्टर, रुग्णवाहिकेचा नंबर माहितीच नाही. मुलांनी अहवाल तयार करून प्रशासनाला दिला. प्रशासनाने मुलांचा अहवाल पाहिल्यानंतर त्यांना पूर नियंत्रण, मदतीचा संपूर्ण रोडमॅप मिळाला.

हीट ॲक्शन प्लॅन : उष्माघाताशी सामन्याचीही मुलांची तयारी

पुरानंतर मुले उष्णता,उष्माघाताचा सामना करण्यासाठी काम करत आहेत. १३ मुलांनी सप्टेंबर २०२६ मध्ये ‘फ्यूचर अमिडस्ट स्कॉर्चिंग हीट’ अहवाल तयार केला. त्यानुसार व्यासरपाडी येथील ७५% लोकांना उष्माघात किंवा आपत्कालीन परिस्थितीत कोणत्या विभागाकडे मदत मागावी. हे ही ठाऊक नव्हते. ९४.७% लोकांनी डिहायड्रेशन, ७८.२% डोकेदुखीची तक्रार केली. ३८.३% कुटुंबे उष्णतेमुळे रुग्णालयात दाखल झाली. मुलांनी मजुरांसाठी निवाऱ्याच्या शिफारशी केल्या.

मुलांना प्रशासनाच्या व्हॉट्सॲप ग्रुपमध्ये सामील केले

मुलांच्या या पुढाकाराने प्रशासन आणि समुदाय यांच्यातील संपर्कही सोपा केला. मुलांना अधिकाऱ्यांच्या व्हॉट्सॲप गटांमध्येही सामावून घेण्यात आले, जिथे मदत छावण्या आणि आपत्कालीन संपर्कांची माहिती शेअर केली जात असे. यामुळे २०२५ मध्ये मदत आणि बचाव कार्य सोपे झाले.

एनडीएमए मुलांच्या अहवालाच्या आधारे करत आहे काम

राष्ट्रीय आपत्ती व्यवस्थापन प्राधिकरण (एनडीएमए) मुलांच्या अहवालातील शिफारशी योजनांमध्ये लागू करत आहे. संबंधित अधिकाऱ्यांना अहवालात नोंदवलेल्या समस्यांवर कारवाई करण्यास सांगण्यात आले आहे. यादरम्यान प्रशासनाने मुलांच्या अहवालाच्या आधारे कचरा साफ करून बकिंगहॅम कालव्यातील अडथळे दूर केले. यामुळे कालव्याचा नैसर्गिक प्रवाह पूर्ववत झाला. मुलांच्या अहवालाच्या आधारेच शहर आपत्ती व्यवस्थापन योजनेत त्यांच्या परिसराला पूरग्रस्त क्षेत्र म्हणून घोषित करण्यात आले.

मुलांमुळे सरकारी धोरण समुदायातील दरी दूर

फ्लड रेझिलियंट प्रोजेक्टअंतर्गत मुलांचा अहवाल आपत्ती मदत प्रशासनाला दिला. मुलांची मदत आणि पुढाकारामुळे २०२५ च्या पुरानंतर मदत, बचाव कार्यात मदत मिळाली. अहवाल रंजक.आगामी काळातही मुलांना प्रोत्साहित करू. -राजकुमार ए., सहायक आयुक्त, ग्रेटर चेन्नई कॉर्पोरेशन