छत्रपती संभाजीनगर शहरातील सातारा पोलिस ठाण्याच्या हद्दीतील राहुल नगर, गल्ली क्र. ४, रेल्वे स्टेशन जवळून १७ वर्षीय मुलगा बेपत्ता झाल्याची बाब समोर आली आहे. शिवम चंद्रमुनी वाहुळ असे या बेपत्ता मुलाचे नाव असून याप्रकरणी सातारा पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, शिवम हा ४ फेब्रुवारी २०२६ रोजी पहाटे ३:३० वाजेच्या सुमारास आपल्या राहत्या घरातून कोणालाही काहीही न सांगता निघून गेला आहे. या संदर्भात सातारा पोलिस ठाण्यात भारतीय न्याय संहिता (BNS) कलम १३७ (२) अन्वये गुन्हा क्रमांक ८२/२०२६ नुसार नोंद करण्यात आली असून पोलिस त्याचा शोध घेत आहेत. बेपत्ता मुलाचे वर्णन शिवम वाहुळ याचे वय १७ वर्षे असून, रंगाने सावळा आहे. त्याचा चेहरा लांबट असून डोळे व केस काळे आहेत. अंगकाठी पातळ आणि उंची ५ फूट आहे. त्याला हिंदी आणि मराठी भाषा बोलता येतात. घरातून निघताना त्याने अंगात चॉकलेटी रंगाचा शर्ट आणि निळ्या रंगाची जीन्स परिधान केली होती, तसेच पायात काळ्या रंगाची चप्पल होती. या मुलाबाबत कोणालाही काही माहिती मिळाल्यास त्यांनी तात्काळ सातारा पोलिस ठाण्याशी संपर्क साधावा, असे आवाहन सातारा पोलिस ठाण्याचे वरिष्ठ पोलिस निरीक्षक आणि तपास अंमलदार पोह/२०६१ राहुल रणवीर यांनी केले आहे. संपर्कासाठी क्रमांक सातारा पोलिस ठाणे: ०२४०-२२४०५५१ पोलिस हवालदार राहुल रणवीर (मोबाईल): ८८८८४५६४४४
संभाजीनगर रेल्वे स्टेशन परिसरातून 17 वर्षीय मुलगा बेपत्ता:चॉकलेटी शर्ट, निळी जीन्स आणि सावळा वर्ण; सातारा पोलिसांत हरवल्याची नोंद
