लाखांदूर तालुक्यातील कन्हाळगाव येथे एका महिलेच्या घरात मध्यरात्री बेकायदेशीर प्रवेश करून तिला व तिच्या अल्पवयीन मुलीला धमकावल्याची धक्कादायक घटना घडली आहे. या प्रकरणी लाखांदूर पोलिस ठाण्यात आरोपीविरुद्ध भारतीय न्याय संहिता (बी.एन.एस.) २०२३ अंतर्गत कल
.
प्राप्त माहितीनुसार, कन्हाळगाव येथील रहिवासी श्रीमती सपना संदिप ढोरे (वय ३२) या आपल्या मोठ्या मुलीसह घरी झोपलेल्या असताना २१ डिसेंबर २०२५ रोजी रात्री साडेआठ ते नऊच्या सुमारास ही घटना घडली. घरात लाईट सुरू असताना त्या झोपेतून जाग्या झाल्या असता अचानक लाईट बंद असल्याचे त्यांच्या लक्षात आले. मोबाईलचा टॉर्च सुरू करताच घराशेजारी राहणारा श्रीहरी देविदास ढोरे (वय ३८) हा त्यांच्या खोलीत उभा असल्याचे दिसून आले.
महिला व तिच्या मुलीने आरडाओरड करताच आरोपीने त्यांच्या तोंडावर हात ठेवून ओरडू नका, अशी धमकी दिल्याचा आरोप आहे. मात्र पुन्हा जोरात आरडाओरड झाल्यानंतर आरोपीने पळ काढला. घटनेनंतर आरडाओरडीमुळे शेजारील नागरिक घटनास्थळी जमा झाले.
या घटनेमुळे परिसरात भीतीचे वातावरण निर्माण झाले असून, कोणत्यातरी गुन्हेगारी उद्देशाने घरात प्रवेश केल्याचा संशय व्यक्त करण्यात येत आहे. पीडित महिलेच्या तक्रारीवरून लाखांदूर पोलिस ठाण्यात आरोपीविरुद्ध गुन्हा नोंदवण्यात आला असून पुढील तपास सुरू आहे.
आरोपीकडून तिसऱ्यांदा घडली घटना
घटनेतील आरोपी याने यापुर्वी अन्य दोन महिलांचा देखील विनयभंग केला असून, त्या विरोधात न्यायालयात खटला सुरू आहे. अशातच आता आरोपीकडून तिसरी घटना घडली आहे.
