नांदगाव खंडेश्वर येथून जाणाऱ्या पहुर ते मंगरुळ रस्त्यावरील पुलाचे काम दोन्ही बाजूंनी अर्धवट स्थितीत आहे. पुलाच्या दोन्ही बाजूंना लोखंडी सळया गंजल्या असून संरक्षक भिंत नसल्याने हा पूल प्रवाशांसाठी धोकादायक ठरत आहे. त्यामुळे हे अर्धवट काम तातडीने पूर्ण
.
पुलाच्या एका बाजूचे बांधकाम अर्धवट असल्याने रस्ता अरुंद झाला आहे. हे अर्धवट बांधकामही खचले असून एका बाजूला भगदाड पडले आहे. पुलाच्या दोन्ही बाजूंना रस्त्यावर खड्डे पडले आहेत. यामुळे वाहनचालकांना येथून ये-जा करताना अडचणींचा सामना करावा लागत आहे. संरक्षक कठड्यांअभावी अपघाताची शक्यता वाढली आहे.
अधिकारी आणि कंत्राटदार यांच्या संगनमताने पुलासाठी निकृष्ट दर्जाचे साहित्य वापरले जात असल्याचा आरोप आहे. यामुळे काम वेळेत पूर्ण होत नाही. या कामात मोठ्या प्रमाणावर भ्रष्टाचार झाल्याचा दावा तालुका काँग्रेसचे कार्याध्यक्ष तथा नांदगाव खंडेश्वर तालुका खरेदी विक्री संघाचे संचालक समीर पाटील यांनी केला आहे. त्यांनी ठेकेदार आणि संबंधित अधिकाऱ्यांच्या चौकशीची मागणी केली आहे, जेणेकरून या पुलाच्या कामातील भ्रष्टाचार समोर येईल.
