बेळगावीमध्ये फ्रीज फुटला, 4 महिलांचा मृत्यू:शॉर्ट सर्किटमुळे स्फोट झाल्याची शक्यता; घराला लागलेल्या आगीत दोघे भाजले

[ads1]

कर्नाटकातील बेळगावी येथे मंगळवारी सकाळी एका घरात फ्रिजचा स्फोट झाल्यानंतर आग लागली. या दुर्घटनेत कुटुंबातील चार महिलांचा मृत्यू झाला. ही घटना चवत गल्लीत सकाळी सुमारे अडीच वाजता घडली. मृत्यू झालेल्यांची ओळख गंगा डामोने, शारदा डामोने, प्रिया डामोने आणि भारती डामोने अशी झाली आहे. दोन जण गंभीर भाजले आहेत. त्यांना रुग्णालयात दाखल करण्यात आले आहे. पोलिसांनी दिलेल्या माहितीनुसार, स्फोटानंतर फ्रिजला आग लागली, जी संपूर्ण घरात वेगाने पसरली आणि घरात उपस्थित असलेले लोक बाहेर पडू शकले नाहीत. वडील-मुलगा आगीत भाजले, महिलांचा मृत्यू भाजल्याने झाला बेळगावी पोलिस आयुक्त प्रकाश निकम यांनी सांगितले की, या अपघातात गजानन डामोने आणि त्यांचा मुलगा रोशन डामोने गंभीर जखमी झाले आहेत. दोघांना रुग्णालयात दाखल करण्यात आले असून, त्यांच्यावर उपचार सुरू आहेत. गजानन सुमारे 80% भाजले आहेत, तर रोशन सुमारे 40% भाजले आहेत. महिलांचा घटनास्थळीच जळून मृत्यू झाला. शॉर्ट सर्किटची शक्यता, तपास सुरू आयुक्त प्रकाश निकम यांनी सांगितले की, प्राथमिक दृष्ट्या आग लागण्याचे कारण शॉर्ट सर्किट असल्याचे दिसत आहे. तथापि, याची अद्याप पुष्टी झालेली नाही. त्यांनी सांगितले की, अपघातातून बचावलेल्या रोशनने शॉर्ट सर्किटसारखा आवाज ऐकल्याचे सांगितले आहे. FSL पथक आणि HESCOM म्हणजेच हुबळी इलेक्ट्रिसिटी सप्लाय कंपनी लिमिटेडचे अधिकारी घटनास्थळाची तपासणी करत आहेत. पोस्टमॉर्टम आणि आवश्यक प्रक्रिया पूर्ण झाल्यानंतर चारही मृतांचे मृतदेह त्यांच्या कुटुंबीयांना सुपूर्द केले जातील.

[ads2]