राज्यातील 246 नगरपालिका आणि 54 नगरपंचायतींच्या निवडणुकीचा बहुप्रतिक्षित निकाल आज जाहीर झाला. या निवडणुकीत भारतीय जनता पक्षाने पुन्हा एकदा आपले वर्चस्व सिद्ध करत नगरपालिकांमध्ये सत्ता काबीज केली आहे. जवळपास 120 नगराध्यक्ष भाजपचे निवडून आल्याने भाजप रा
.
वडगाव नगरपंचायतीच्या अटीतटीच्या निवडणुकीत कमालीची चुरस पाहायला मिळाली. येथे राष्ट्रवादी काँग्रेस अजित पवार गटाच्या सुनीता राहुल ढोरे यांनी भाजपच्या पूजा आतिष ढोरे यांचा अवघ्या एका मताने पराभव केला. सुनीता ढोरे यांना 323 मते मिळाली, तर पूजा ढोरे यांना 322 मते मिळाली. विजयाचा हा आकडा जाहीर होताच राष्ट्रवादीच्या समर्थकांनी मोठा जल्लोष केला. एका सामान्य कुटुंबातून आलेल्या सुनीता ढोरे यांच्या या विजयाने “प्रत्येक मत मौल्यवान असते” हे पुन्हा एकदा सिद्ध केले आहे.
मावळमध्ये दोन मतांचा थरार
असाच काहीसा थरार मावळमध्येही अनुभवायला मिळाला. येथे राष्ट्रवादी काँग्रेसचे उमेदवार अजय बवर यांनी भाजपच्या चंद्रजीत वाघमारे यांचा केवळ 2 मतांच्या फरकाने पराभव केला. बवर यांना 393, तर वाघमारे यांना 391 मते मिळाली. कमी मतांच्या फरकाने झालेल्या या निकालांमुळे मतदारांमध्ये एका एका मताच्या महत्त्वाबाबत मोठी चर्चा रंगली आहे.
