काँग्रेसचे ज्येष्ठ नेते तथा माजी मंत्री नितीन राऊत यांनी शुक्रवारी एका तरुणाने आपल्याला आपल्या कार्यालयात शिरून धमकी दिल्याची बाब विधानसभेच्या निदर्शनास आणून दिली. माझ्या लेटरहेडचा गैरवापर करून पास काढण्यात आली. आज चक्क एक एक लांब केसांचा तरुण माझ्या
.
नितीन राऊत हे काँग्रेसचे उत्तर नागपूरचे आमदार आहेत. त्यांनी शुक्रवारी विधानसभेच्या अध्यक्षांकडे एका गंभीर प्रकरणाकडे लक्ष वेधले. ते म्हणाले, एक तरुण आज सकाळी दुचाकीवरून माझ्या कार्यालयालगत आला. तो कुठे आहे त्याला फोन करा असे म्हणत त्याने आरडाओरडा सुरू केला. त्यानंतर तो माझ्या कार्यालयात शिरला. त्यावेळी माझ्या कार्यालयात बौद्ध भिक्षू बसले होते. या प्रकारामुळे ते घाबरले. त्यांनी मला त्याची माहिती दिली. त्यानंतर मी पोलिसांना बोलावले. अशा घटना घडल्यास माझ्या व आमदारांच्या सुरक्षेचे काय होईल?
मुलालाही धमकावले
नितीन राऊत म्हणाले, सदर तरुणाने माझा मुलगा कुणाल याच्याविषयीही विचारणा केली. धमकी दिली. मी आजपर्यंत कोणतीही सरकारी सुरक्षा वापरली नाही. पण आता अशा धमक्या दिल्या जात आहेत. सत्ताधारी पक्षाचे आमदार कृष्णा खोपडे यांनीही आपल्या धमक्या मिळत असल्याची तक्रार सभागृहात केली. नागपूरच्या दोन आमदारांना अशा धमक्या मिळत असतील तर संपूर्ण महाराष्ट्रात कायदा सुव्यवस्था राखली जात आहे का? असा प्रश्न उपस्थित होत आहेत, असे ते म्हणाले.
आमदारांचे मुख्यमंत्र्यांना गंभीर दखल घेण्याचे आवाहन
काँग्रेस नेते नाना पटोले यांनी या घटनेवर चिंता व्यक्त केली. अशा प्रकारच्या गुंडगिरीला कोण आश्रय देत आहे? त्यांना एवढे धाडस कुठून मिळाले? महाराष्ट्र बिहारला मागे टाकत आहे का? असे विविध प्रश्न त्यांनी या प्रकरणी उपस्थित केले. तसेच राऊत यांच्यासह इतर सदस्यांनी या प्रकरणी मुख्यमंत्र्यांना तत्काळ दखल घेण्याचे आवाहन केले.
लेटरहेडचा गैरवापर करणारा सापडला
दुसरीकडे, नितीन राऊत यांच्या लेटरहेडचा गैरवापर करून रविकांत तिवारी व नीतेश पारेपार यांनी पास बनवल्या. विधानसभा अध्यक्षांनी या प्रकरणाच्या चौकशीचे आदेश दिले. त्यानंतर मुख्य सुरक्षा अधिकाऱ्यांनी शुक्रवारी यासंबंधीचा आपला अहवाल विधानसभेत सादर केला. विधानसभा अध्यक्ष या प्रकरणी म्हणाले, विद्यासागर जनार्दन राऊत हा या प्रकरणातील संशयित आहे. त्याने हे कृत्य केल्याचे मान्य केले आहे. पुढील कारवाई करण्यात येत आहे.
