अमरावतीच्या दहीहंडीवर शिरजगावच्या शिवतांडव पथकाची मोहोर:25 फुटांची दहीहंडी अवघ्या 14.51 सेकंदात फोडून 51 हजारांचे बक्षीस जिंकले

[ads1]


अमरावती येथील राजकमल चौकात शनिवारी दहीहंडीचा थरार रंगला. ‘गोविंदा आला रे आला’च्या गजरात आणि प्रेक्षकांच्या उत्साहात हा उत्सव साजरा झाला. राजकमल चौक मित्रमंडळीने स्थापन केलेल्या नवयुवक विद्यार्थी संघटनेने ‘आपली दहीहंडी’चे आयोजन केले होते. यंदा संघटनेतील तरुण सदस्यांनी संपूर्ण जबाबदारी सांभाळली. शिरजगाव कसबा येथील शिवतांडव दहीहंडी ग्रुपने ५१ हजार रुपयांचे पहिले बक्षीस जिंकले. त्यांनी २५ फूट उंचीची दहीहंडी मानवी मनोऱ्याचे पाच थर रचून अवघ्या १४.५१ सेकंदात फोडली. याच गावच्या वॉरिअर दहीहंडी पथकाने दुसरा, तर जयभोले पथकाने तिसरा क्रमांक पटकावला. ही स्पर्धा अत्यंत व्यवस्थित पार पडली. यात एकूण सहा पथकांनी भाग घेतला होता. यापैकी पाच पथके शिरजगाव कसबा येथील होती, तर एक पथक अमरावतीच्या चिचफैल येथील होते. सुरुवातीला दहीहंडीची उंची ३१ फूट ठेवण्यात आली होती, पण कोणताही संघ तिथे पोहोचू शकला नाही. त्यामुळे नंतर उंची ५ फूट कमी करून २५ फूट करण्यात आली. काँग्रेसचे ज्येष्ठ नेते आणि माजी पालकमंत्री डॉ. सुनील देशमुख, मनपातील विरोधी पक्षनेते आणि माजी महापौर विलास इंगोले, तसेच स्वीकृत नगरसेवक संजय हिंगासपुरे यांच्या हस्ते स्पर्धेचे उद्घाटन झाले. समारोपाच्या कार्यक्रमात पोलीस आयुक्त राकेश ओला यांच्या हस्ते बक्षीस वितरण करण्यात आले. शिरजगाव कसबा येथील कालभैरव गोविंदा पथक, महाकाल ग्रुप आणि अमरावतीच्या चिचफैल येथील श्री छत्रपती गोविंदा पथक या तीन संघांना सहभागासाठी प्रत्येकी ५ हजार रुपयांचे प्रोत्साहनपर बक्षीस देण्यात आले. यावेळी संघटनेचे अध्यक्ष संजय देशमुख, उपाध्यक्ष बबनराव रडके, सरचिटणीस राजेंद्र वर्मा, विनोद मोदी आणि इतर पदाधिकारी उपस्थित होते. स्पर्धेचा निकाल खालीलप्रमाणे: शिवतांडव दहीहंडी ग्रुप, शिरजगाव कसबा: १४.५१ सेकंदात ५१ हजार रुपये. वॉरिअर दहीहंडी पथक, शिरजगाव कसबा: १५.८ सेकंदात ३१ हजार रुपये. जयभोले गोविंदा पथक, शिरजगाव कसबा: १७.३४ सेकंदात २१ हजार रुपये.

[ads2]

What do you feel about this post?

0%

Like

0%

Love

0%

Happy

0%

Haha

0%

Sad

0%

Angry