विधान परिषदेसाठी भाजपचा उमेदवार कोण?:परिचारक, पवारांच्या समर्थकांचे सोशल मीडियावर 'भावी आमदार'चे स्टेटस
बाजार समिती, जिल्हा परिषद वपंचायत समिती निवडणुकीतही त्यांनी भाजपला तालुक्यात शत-प्रतिशत यश मिळवून देत विधानसभेचा पराभव हा एक राजकीय अपघात होता हे दाखवून देत पक्षातील आपले स्थान बळकट केले आहे. पक्षश्रेष्ठींच्या सूचनेविना ते उमेदवारी अर्ज आणणार नाहीत, असा राजकीय निरीक्षकांचा कयास आहे. उमेदवारीबाबत राजेंद्र राऊत यांनी अधिकृत कसलेच मत जाहीर केलेले नाही. भाजपच्या रणनितीचा भाग म्हणूनही राऊत यांच्या निकटवर्तीयांना अर्ज घेण्याची सूचना असावी असे मानले जाते. विधान परिषदेसाठी उमेदवारी अर्ज दाखल करण्याचा सोमवारी शेवटचा दिवस आहे. दरम्यान शनिवारी बार्शीचे माजी आमदार राजेंद्र राऊत यांच्यानावे निकटवर्तीयांनी उमेदवारी अर्ज घेतल्याने अनेकांच्या भुवया उंचावल्या. दुसरीकडे जिल्हाध्यक्ष शहाजी पवार व माजी आमदार प्रशांत परिचारक यांच्या समर्थकांनी समाज माध्यमांवर आपल्याच नेत्यांचे फोटो ’भावीआमदार’ म्हणून ठेवत व्हायरल केल्याने उमेदवारी नेमकी कोणाला मिळणार याबाबत उत्सुकता राहिली आहे. एक हुकुमी बहुमत असताना उमेदवार जाहीर न केल्याने भाजपच्या रणनितीकडे सर्वांचे लक्ष लागले आहे. विधान परिषदेसाठी प्रशांत परिचारक (पंढरपूर), राजेंद्र राऊत (बार्शी), रश्मी बागल, जिल्हाध्यक्षशहाजी पवार (सोलापूर) यांच्यासहइतर काही नेत्यांची नावे आहेत. राऊत यांनी सहकाऱ्याकरवीभाजपच्या नावावर ४ उमेदवारीअर्जांची खरेदी केली. त्यामुळेराऊतांनाच उमेदवारी मिळेल, अशी चर्चा सुरु झाली.
