पर्यावरण संवर्धनासाठी सामाजिक संस्थांनी पुढे यावे:आर्ट ऑफ लिव्हिंगचा “अनसंग एवरीडे हीरोज’ पुरस्कार सोहळ्यात आवाहन; मान्यवर सहभागी‎

.

आर्ट ऑफ लिव्हिंगच्या ४५ व्या स्थापना वर्षानिमित्त व गुरुदेव श्री श्री रविशंकरजींच्या ७० व्या जन्मोत्सवाच्या निमित्ताने अकोल्यात “अनसंग एवरीडे हीरोज पुरस्कार” सोहळा संपन्न झाला. स्थानिक आरएलटी कॉलेजमध्ये संपन्न या सोहळ्यात समाजात निस्वार्थ सेवा करणाऱ्या प्रेरणादायी व्यक्ती आणि संस्थांचा सन्मान करण्यात आला. यास उत्स्फूर्त प्रतिसाद मिळाला.

या सोहळ्यात प्रमुख अतिथी म्हणून सुहासिनी संजय धोत्रे, जिला विधि सेवा प्राधिकरण अकोलाचे सचिव दिनानाथ दाभाडे, डॉ. हेडगेवार हॉस्पिटलचे अध्यक्ष नरेंद्र उपाख्य बाबासाहेब पाठक उपस्थित होते. या सोहळ्यात उल्लेखनीय सेवाकार्य करणाऱ्या मान्यवरांना ‘अनसंग एवरीडे हीरोज पुरस्कारा’ने सन्मानित करण्यात आले. यादरम्यान मान्यवर उपस्थित होते.

वाशीम जिला पुरस्कार श्रेणीत वाशीम जिल्हयातील पुरस्कारांमध्ये अमोल कैलाश घोडे यांना युवा नेतृत्व, मानव सेवा फाउंडेशनद्वारे निराश्रित व अस्वस्थ व्यक्तींचे पुनर्वसन यासाठी व सूचित अविनाश चव्हाण यांना युवा नेतृत्व, पर्यावरण संरक्षण व सामुदायिक विकास यासाठी पुरस्कार प्रदान करण्यात आला. व्यवसाय व परोपकार पुरस्कार सचिन वामनराव कुलकर्णी यांना मन नदी पुनर्जीवन, जलसंरक्षण व भूजल पुनर्भरणासाठी देण्यात आला.

आर्ट ऑफ लिव्हिंगचे महाराष्ट्र राज्य एपेक्स बॉडी सदस्य कपिल ठक्कर यांनी पश्चिम विदर्भातील सामाजिक प्रकल्पांची यावेळी माहिती दिली, तर प्रोजेक्ट भारत समन्वयक मनोज इंगोले यांनी या अभियानाचे सामाजिक प्रभाव सांगितले.

गोपाल शंकरलाल खंडेलवाल यांना “सेवा रत्न पुरस्कार’ यावेळी ज्येष्ठ समाजसेवी गोपाल शंकरलाल खंडेलवाल यांना “सेवा रत्न पुरस्कार’ प्रदान करण्यात आला. जिल्हा पुरस्कारांमध्ये युवा नेतृत्व पुरस्कार काजल प्रकाश राजवैद्य यांना युवा नेतृत्व, रोबोट प्रौद्योगिकी यासाठी प्रदान करण्यात आला. भक्ती रवींद्र सिंह चुंगडे यांना ‘क्रीडा उत्कृष्टता व बॉक्सिंग’ मध्ये देण्यात आला. ‘व्यवसाय व परोपकार’ पुरस्कार एकवीरा मल्टिपर्पज फाउंडेशन यांना श्रवण बाधित बालकांसाठी सेवा यासाठी देण्यात आला.