भोंदू अशोक खरात प्रकरण:खरातच्या अटकेने शिर्डीतील जमीन माफियांचे धाबे दणाणले
शिर्डी परिसरात जमीन व्यवहार, खाजगी सावकार की आणि आर्थिक गैरप्रकारांच्या मालिकेमुळे वादाच्या भोवऱ्यात सापडलेल्या भोंदू अशोक खरात याला राहाता न्यायालयाने जमीन खरेदी फसवणूक प्रकरणी 9 मेपर्यंत 5 दिवसांची पोलिस कोठडी सुनावली. यामुळे याप्रकरणातील तपासाला निर्णायक वळण मिळण्याची शक्यता व्यक्त होत आहे. फसवणुकीच्या या प्रकरणाची व्याप्ती पाहता खरातच्या अटकेने शिर्डीतील जमीन माफियांचे धाबे दणाणले असून तपासात मोठे मासे गळाला लागण्याची शक्यता आहे. सोमवारी नाशिकच्या विशेष तपास पथकाने (एसआयटी) खरातला शिर्डी पोलिसांच्या स्वाधीन केले. मंगळवारी कडक पोलिस बंदोबस्तात त्याला राहाता न्यायालयात हजर करण्यात आले. यावेळी पोलिसांनी खरातच्या गुन्ह्यांची जंत्रीच न्यायालयासमोर वाचून दाखवली. खरातला पोलिस कोठडी मिळाल्याने आता तपासाला वेग येणार आहे. पोलिसांनी शिर्डीतील शेतकऱ्यांची फसवणूककरून जमिनी हडपण्याचा नेमका मास्टर प्लॅनकाय होता?, व्याजाच्या व्यवसायात खरातसोबत आणखी कोण-कोण ”पार्टनर”आहेत?, खरातने आतापर्यंत शिर्डी आणि परिसरात किती मालमत्ता गोळा केली आहे? खरातची दाढी वाढलेली, डोळे खोलवर दाढी वाढलेली, डोळे खोलवर गेलेल्या अशोक खरातला पोलिसांच्या कडेकोट बंदोबस्तात राहाता न्यायालयात आणले. पोलिसांच्या गराड्यात त्याची न्यायालयाकडे ने-आण करण्यात आली. या मुद्द्यांवर लक्ष केंद्रित केले आहे. पोलिस उपनिरीक्षक निवांत जाधव यांच्या नेतृत्वाखालील टीम खरातची सखोल चौकशी करणार आहे. या चौकशीतून अनेक महत्त्वाचे धागेदोरे समोर येण्याची शक्यता असून या प्रकरणात आणखी मोठे खुलासे होण्याची शक्यता नाकारता येत नाही. राहाता कोर्टातून लाईव्ह रिपोर्ट (तपासी अधिकारी पोलिस उपनिरिक्षक निवांत जाधव) : • 14 व्यवहारांत 5.52 कोटींची उलाढाल; हा पैसा आला कुठून? • फरार आरोपी कल्पना खरात हिचा पत्ता शोधण्यासाठी कोठडी हवी. • यात अजून अनेक बडे मासे सहभागी असण्याची दाट शक्यता. सरकारी वकील ॲड. गौरव बोर्डे : • खरातच्या नावावर विविध पतसंस्थांत अनेक बनावट/नॉमिनी खाती. • 70 कोटींच्या संशयास्पद उलाढालीचा तपास करणे गरजेचे. • जमीन मालकाची पद्धतशीरपणे केलेली फसवणूक गंभीरआहे. बचाव पक्ष (खरातचे वकील) • गुन्हा दाखल करण्यास फिर्यादीने विलंब का केला? • सर्व रक्कम खात्यावर जमा केली आहे, मग फसवणूक कशी? • हा सावकारकीचा नाही, तर जमीन खरेदी-विक्रीचा कायदेशीर व्यवहार. जमिनी व मालमत्तांची माहिती मिळेल भोंदू अशोक खरातला पोलिस कोठडी मिळाल्याने तपासात त्याने केलेल्या गुन्ह्यांची माहिती समोर येईल. शिर्डीतील शेतकऱ्यांची फसवणूक करून जमीन हडप करण्याचा उद्देश स्पष्ट होईल, जमीन खरेदी फसवणूक प्रकरणात खरातला मदत करणाऱ्या व्यक्तींची नावे समोर येतील, शिर्डी आणि परिसरात आतापर्यंत खरातने किती जमिनी व मालमत्ता खरेदी केल्या, याची माहिती तपासातून उघड होईल. -ॲड. शुभम गोंदकर, शिर्डी.
