Athiya Shetty Trolled | आशा भोसलेंच्या निधनानंतर अभिनेत्री अथिया शेट्टी ट्रोल, केली ‘ही’ मोठी चूक

Athiya Shetty Trolled | ज्येष्ठ गायिका आशा भोसले (Asha Bhosle) यांच्या निधनामुळे अवघा देश दु:खात असतानाच, बॉलिवूड अभिनेत्री अथिया शेट्टी (Athiya Shetty) एका गंभीर चुकीमुळे नेटकऱ्यांच्या निशाण्यावर आली आहे. दिग्गज व्यक्तींना सोशल मीडियावर श्रद्धांजली वाहण्याच्या ओघात अथियाकडून झालेल्या एका गफलतीने इंटरनेटवर वादाला तोंड फुटले असून तिच्यावर टीकेची झोड उठली आहे.

चुकीचा फोटो आणि नेटकऱ्यांचा संताप

आशा भोसले यांच्या निधनाचे वृत्त समजल्यानंतर अथिया शेट्टी हिने इन्स्टाग्रामवर (Instagram) एक शोकसंदेश पोस्ट केला होता. मात्र, आशाताईंना श्रद्धांजली वाहताना तिने चुकून भारतरत्न लता मंगेशकर (Lata Mangeshkar) यांचा फोटो वापरला. आपली चूक उमजल्यानंतर तिने लगेचच ती पोस्ट हटवली, परंतु तोपर्यंत चोखंदळ नेटकऱ्यांनी त्या पोस्टचे स्क्रीनशॉट्स काढून ते सर्वत्र पसरवले होते. ही तांत्रिक चूक सोशल मीडियावर वाऱ्यासारखी पसरली आणि अथियाला ट्रोल करण्यास सुरुवात झाली.

X अकाऊंटसह इतर सोशल मिडिया प्लॅटफॉर्मर्सवर युजर्सनी अथियाच्या या कृतीबद्दल तीव्र संताप व्यक्त केला आहे.’नेपो किड्स’ केवळ प्रसिद्धीसाठी अशा पोस्ट करतात पण त्यांना साधी माहितीही नसते, अशा शब्दांत अनेकांनी तिची खिल्ली उडवली आहे. एखाद्या महान व्यक्तिमत्वाच्या निधनासारख्या संवेदनशील प्रसंगी फोटोची खात्री न करता पोस्ट करणे हे अज्ञान आणि निष्काळजीपणाचे लक्षण असल्याचे मत नेटकऱ्यांनी व्यक्त केले आहे.

It’s really sad to see how careless people can be on serious matters.

Athiya Shetty shared a photo of Lata Mangeshkar ji while mourning Asha Bhosle ji is not just a small mistake, it shows a lack of attention.

The least one can do is check before posting, especially in such… pic.twitter.com/cEHXaXYoMh

— अंकुश (@ankushtweets) April 12, 2026

अथिया शेट्टीचं स्पष्टीकरण

या सर्व प्रकारामुळे निर्माण झालेल्या गदारोळावर अथिया शेट्टी हिने अद्याप कोणतीही अधिकृत प्रतिक्रिया किंवा जाहीर माफी मागितलेली नाही. तरीही, तिने शांतपणे आपली चूक सुधारत आशा भोसले यांचा योग्य फोटो असलेली नवी पोस्ट शेअर केली आहे. यामध्ये तिने आशाजींच्या सांगीतिक कारकीर्दीचा आदर करत त्यांना भावपूर्ण आदरांजली वाहिली आहे. काही युजर्सनी याला ‘अटेंशन सीकिंग टॅक्टिक’ (Attention Seeking Tactic) म्हणत तिची टीका केली आहे.

एकीकडे हा डिजिटल वाद सुरू असताना, दुसरीकडे मात्र संगीत प्रेमी आणि देशवासीय अत्यंत जड अंतःकरणाने आपल्या लाडक्या आशाताईंना निरोप देत आहेत. माहितीचा अभाव असेल तर चुकीच्या प्रतिमा वापरण्यापेक्षा केवळ शब्दांत भावना व्यक्त करणे अधिक रास्त ठरते, असा सल्लाही अनेक सुज्ञ नेटकऱ्यांनी या निमित्ताने सेलिब्रिटींना दिला आहे.

News Title: Athiya Shetty Trolled for Wrong Photo in Tribute of Asha Bhosle death