Gold Rate | आज सोन्याच्या दरात घसरण! जाणून घ्या आजचे दर

Gold Rate | जागतिक बाजारातील अस्थिरतेचा परिणाम आता सोन्या-चांदीच्या किमतींवर स्पष्टपणे दिसून येत आहे. आंतरराष्ट्रीय स्तरावर दरात घसरण झाल्याने भारतातही सोन्याचे भाव कमी झाले आहेत. Indian Bullion and Jewellers Association (IBJA) च्या माहितीनुसार, 11 एप्रिल रोजी 24 कॅरेट सोन्याचा दर 1,50,327 रुपये प्रति 10 ग्रॅम इतका नोंदवला गेला आहे.

डॉलर मजबूत होणे, गुंतवणूकदारांकडून नफा वसुली आणि भू-राजकीय तणाव या कारणांमुळे सोन्याच्या किमतीत चढ-उतार होत आहेत. तसेच आंतरराष्ट्रीय बाजारातही सोन्याच्या दरात किरकोळ घसरण दिसून आली आहे, ज्याचा थेट परिणाम भारतीय बाजारावर झाला आहे.

भारतातील Multi Commodity Exchange of India (MCX) वर सोन्याचा भाव 1.52 लाखांच्या खाली घसरला आहे. तर आंतरराष्ट्रीय बाजारात, COMEX (COMEX) वर स्पॉट गोल्ड सुमारे 0.28% नी घसरून प्रति औंस 4804.70 डॉलरवर पोहोचला.

शुक्रवारी सोन्याचा उच्चांक 4820 डॉलर होता, तर नीचांक 4752.70 डॉलरपर्यंत गेला. सध्या बाजारात अनिश्चितता असल्याने सोन्याच्या दरात सतत चढ-उतार सुरू आहेत.

Gold Rate | 1 तोळा सोने ₹1 लाखाखाली येणार का? :

तज्ज्ञांच्या मते, सध्या तरी 1 तोळा सोन्याचा दर 1 लाख रुपयांखाली जाण्याची शक्यता कमी आहे. मात्र, घसरणीचा ट्रेंड कायम राहिल्यास 10 ग्रॅम सोन्याचा भाव 1,20,000 ते 1,25,000 रुपयांपर्यंत येऊ शकतो.

यामुळे गुंतवणूकदारांमध्ये संभ्रम निर्माण झाला असला तरी दीर्घकालीन गुंतवणुकीसाठी सोने अजूनही सुरक्षित पर्याय मानला जातो.