अरविंद मफतलाल ग्रुपची प्रमुख कंपनी मफतलाल इंडस्ट्रीज लिमिटेड (एमआयएल) ने मेडिकल ॲपरलसाठी समर्पित डिजिटल प्लॅटफॉर्म मफतलाल मेडफिट्स (www.mafatlalmedfits.com) लाँच करत ई-कॉमर्स क्षेत्रातील आपल्या प्रवेशाची घोषणा केली आहे. कंपनीचे हे लाँच पहिल्या डायरेक्ट-टू-कंझ्युमर (डी२सी) उद्यमाला दर्शवते, तसेच त्यांच्या डिजिटल परिवर्तन प्रवासामधील प्रमुख टप्पा आहे. लाँच करण्यात आलेल्या या प्लॅटफॉर्मसह मेडिकल टेक्सटाइल विभागात मफतलाल हेल्थकेअरची उपस्थिती वाढली आहे. नवीन ई-कॉमर्स प्लॅटफॉर्ममध्ये उच्च दर्जाच्या मेडिकल वेअरचा व्यापक पोर्टफोलिओ असेल, ज्यामध्ये स्क्रब्स, लॅब कोट्स, अंडर स्क्रब्स, मेडिकल कॅप्स आणि संबंधित उत्पादनांचा समावेश असेल. ही उत्पादने आरोग्यसेवा व्यावसायिकांच्या सर्वसमावेशक कार्यक्षम व आरामदायी गरजांची पूर्तता करण्यासाठी डिझाइन करण्यात आली आहेत. या डी२सी प्रवेशाच्या माध्यमातून मफतलाल इंडस्ट्रीजचा संपूर्ण भारतातील आपली पोहोच वाढवण्याचा, ब्रँड उपलब्धतता सुधारण्याचा आणि टेक्निकल टेक्सटाइल्समधील दर्जा, विश्वसनीयता व नाविन्यतेप्रती ब्रँडच्या दीर्घकालीन कटिबद्धतेला अधिक दृढ करण्याचा मनसुबा आहे. हा प्लॅटफॉर्म कार्यक्षम, आरामदायी व टिकाऊ मेडिकल ॲपरलसाठी एक-थांबा गंतव्य आहे, ज्याला मफतलालच्या दशकभराच्या टेक्सटाइल कौशल्याचे पाठबळ आहे. लाँचबाबत मत व्यक्त करत मफतलाल इंडस्ट्रीज लिमिटेडचे सीईओ रघुनाथ मन्नील बालकृष्णन म्हणाले, ‘मफतलाल मेडफिट्सचे लाँच आमच्या आरोग्यसेवा व टेक्निकल टेक्सटाइल्स पोर्टफोलिओच्या विस्तारीकरणामधील महत्त्वाचे पाऊल आहे. यामधून क्षमता, दर्जात्मक यंत्रणा व प्रक्रिया उत्कृष्टता निर्माण करण्यामधील आमची सातत्यपूर्ण गुंतवणूक दिसून येते. या डिजिटल प्लॅटफॉर्मच्या माध्यमातून आम्ही भारतभरातील आरोग्यसेवा व्यावसायिकांना प्रत्यक्ष आमच्या क्षमता देत आहोत, जेथे त्यांना आंतरराष्ट्रीय दर्जाच्या स्टाइल्स व डिझाइन्समधील मेडिकल स्क्रब्स आणि संबंधित आवश्यक उत्पादने मिळतील, जी आरामदायीपणा, कार्यक्षमता आणि टिकाऊपणासाठी डिझाइन करण्यात आली आहेत. या उपक्रमासह उच्च क्षमता असलेल्या विभागामध्ये ऑपरेशनल कार्यक्षमता, ग्राहकांसोबत समन्वय आणि शाश्वत विकासावरील आमचा भर अधिक पक्का झाला आहे.’ या लाँचमधून अंतिम वापरकर्त्यांसोबत जवळचे नाते निर्माण करण्यासाठी डिजिटल चॅनेल्सचा फायदा घेण्याप्रती, तसेच आपला आरोग्यसेवा पोर्टफोलिओ वाढवण्याप्रती कंपनीचा धोरणात्मक उद्देश दिसून येतो. तसेच, या लाँचमधून उत्पादन उत्कृष्टतेसह आधुनिक रिटेल व तंत्रज्ञान-केंद्रित वितरण मॉडेल्स एकीकृत करण्याप्रती मफतलाल इंडस्ट्रीजचा व्यापक दृष्टिकोन देखील निदर्शनास येतो. या प्लॅटफॉर्मवरील उत्पादनांची किंमत अत्यंत किफायतशीर आहे, जी 549 रुपयांपासून 1,999 रुपयांपर्यंत आहे.
बाजार वार्ता:मफतलाल इंडस्ट्रीजचा मेडिकल ॲपरल प्लॅटफॉर्म 'मफतलाल मेडफिट्स' लाँच, आरोग्यसेवा पोर्टफोलिओ वाढवला
