प्रतिनिधी | लासूर स्टेशन गंगापूर तालुक्यातील सुलताबाद येथील जिल्हा परिषद प्राथमिक शाळेला प्रजासत्ताक दिनाचे औचित्य साधून आरापुर येथील धनंजय ऑटो कंपनीने दोन ४३ इंची स्मार्ट एलईडी टीव्ही भेट दिले. याआधीही या शाळेसाठी कंपनीने पेव्हर ब्लॉक, रंगरंगोटी आणि रेन वॉटर हार्वेस्टिंगची कामे केली होती. दोन महिन्यांपूर्वी गावात झालेल्या वृक्षारोपण कार्यक्रमात धनंजय ग्रुपच्या डायरेक्टर रागिणी कंदाकुरे या उपस्थित होत्या. त्यावेळी मुख्याध्यापक संजय बाहुले, शिक्षक दादासाहेब खैरे, शिक्षिका सुवर्णा संजय इरतकर यांनी त्यांचे स्वागत केले होते. त्याच वेळी शाळेसाठी एलईडी टीव्हीची मागणी करण्यात आली होती. या उपक्रमामुळे विद्यार्थ्यांना तंत्रज्ञानाधारित शिक्षण घेण्यास मदत होणार आहे. ध्वजारोहणानंतर झालेल्या छोटेखानी कार्यक्रमात धनंजय ऑटो कंपनीचे प्रतिनिधी माधव कंदाकुरे, गंगापूर सहकारी साखर कारखान्याचे संचालक कारभारी गायके, सरपंच अनिता गायके, उपसरपंच सोन्या बापू गायके, शालेय समितीचे अध्यक्ष चंद्रकांत लबडे, पोलीस पाटील, ग्रामपंचायत सदस्य, शालेय व्यवस्थापन समिती सदस्य, पालक, ज्येष्ठ नागरिक आणि शिक्षक उपस्थित होते. सुलतानाबाद शाळेला आरापूर येथील धनंजय ऑटो कंपनीकडून स्मार्ट एलईडी टीव्ही देण्यात आला.
आरापूर येथील एका ऑटो कंपनीकडून सुलतानाबाद शाळेला स्मार्ट टीव्ही भेट:विद्यार्थ्यांना तंत्रज्ञानाधारित शिक्षण घेण्यास मदत होणार
