छत्रपती संभाजीनगर येथे युतीच्या जागावाटपावरून सुरू असलेला पेच कायम आहे. शनिवारी सकाळी १० ते दुपारी ४ वाजेपर्यंत सहा तास चाललेल्या बैठकीतही सात जागांवर एकमत होऊ शकले नाही. त्यामुळे आता हा प्रस्ताव महसूल मंत्री चंद्रशेखर बावनकुळे आणि उपमुख्यमंत्री एकना
.
या बैठकीला भाजपकडून खासदार डॉ. भागवत कराड, ओबीसी विकास मंत्री अतुल सावे, आमदार संजय केनेकर, आमदार रोजा चव्हाण, शहराध्यक्ष किशोर शितोळे आणि समीर राजूरकर उपस्थित होते. तर शिवसेनेकडून (शिंदे गट) पालकमंत्री संजय शिरसाट, राजेंद्र जंजाळ आणि किशनचंद तनवाणी उपस्थित होते.
पालकमंत्री संजय शिरसाट यांनी सांगितले की, जागांबाबत दोन्ही पक्षांमध्ये चर्चा सुरू आहे आणि काही जागांवर तडजोड करण्याचा प्रयत्न केला जात आहे. दोन्ही बाजूंनी एकमेकांना प्रस्ताव दिले जात आहेत. मात्र, अद्याप कोणताही अंतिम निर्णय झालेला नाही.
वरिष्ठ पातळीवर जागांची यादी पाठवली जाईल आणि त्यानंतर दोन्ही पक्षांच्या वरिष्ठ नेत्यांकडून मंजुरी मिळाल्यानंतरच युतीच्या जागावाटपाबाबतचा निर्णय होईल, असे शिरसाट यांनी स्पष्ट केले. यापूर्वी शुक्रवारी रात्री चंद्रशेखर बावनकुळे आणि संजय शिरसाट यांच्यातही बैठक झाली होती, परंतु त्यातही कोणताही तोडगा निघाला नव्हता.
