श्री क्षेत्र बहिरम येथे श्री बहिरम बुवांची विधीवत होमपूजा व अर्चना करुन रविवारपासून (दि. २१) यात्रेला सुरूवात होत आहे. रविवारी पहाटे सर्वप्रथम बहिरम बुवांच्या मूर्तीला शेंदूर, दूध, दही, मध व लोण्याचा अभिषेक करण्यात येतो. त्यानंतर विधीवत पूजेनंतर मंदि
.
दरवर्षी या यात्रेला मध्यप्रदेश, महाराष्ट्र राज्यातून हजारो भाविक बहिरम बुवांच्या दर्शनासाठी येतात. विदर्भातच नव्हे तर संपूर्ण महाराष्ट्रात बहिरम यात्रा प्रसिध्द आहे. सलग दीड महिना चालणाऱ्या या यात्रेत बहिरमबुवांच्या दर्शनासाठी भाविकांच्या लांबच लांब रांगा पाहायला मिळतात. महिला व पुरुष भाविकांकरिता बहिरम बुवांच्या दर्शन रांगेची वेगवेगळी व्यवस्था या ठिकाणी करण्यात आली आहे. तसेच यात्रेदरम्यान अनुचित प्रकार घडू नये, यात्रेचा उत्सव शांततापूर्ण व्हावा यासाठी जिल्हा ग्रामीण पोलिस अधिक्षक यांच्या मार्गदर्शनात शिरजगाव कसबा पोलीस ठाण्याचे अधिकारी व पोलिस कर्मचाऱ्यांचे सहकार्य महत्त्वपूर्ण असते. सध्या व्यापारी वर्गांकडून व्यापारी प्रतिष्ठान सुरु करण्याचे काम सुरू असून येणाऱ्या पौष महिन्यातील पहिल्याच रविवारी यात्रा परिसरात भाविकांची मांदियाळी पाहायला मिळणार आहे. दर्शनाकरिता येणाऱ्या भाविकांनी सुरक्षित व शांततेत दर्शन घ्यावे. मंदिर व्यवस्थापन समितीने दर्शविलेल्या सूचनांचे पालन करुन भाविकांनी सहकार्य करावे. – सुरेंद्र चौधरी, अध्यक्ष, बहिरम बाबा संस्थान.
हंडीतील भाजी, रोडगे सुप्रसिद्ध व्यंजन बहिरम यात्रेत जाणारे बहुतांश भाविक दर्शन घेतल्यानंतर यात्रेतील हंडीत शिजणारी भाजी व रोडगे यांचा आवर्जून आस्वाद घेतात. हंडीतील भाजी व रोडगे हे बहिरम यात्रेतील सुप्रसिद्ध व्यंजन आहे. यात्रेदरम्यान या ठिकाणी अनेक भाविकांकडून विशेषत: रविवारी भोजन प्रसादाचे आयोजन यावेळी केले जाते.
