रविवारी रात्री नऊच्या सुमारास फुलंब्री पोलिसांनी समृद्धी महामार्गावर कारवाई केली. पाच टेम्पो पकडून २१ बैलांची सुटका केली. एकूण १८ लाख रुपयांचा मुद्देमाल जप्त केला.
.
नाशिक जिल्ह्यातील सिन्नर येथून २१ बैल पाच टेम्पोमधून छत्रपती संभाजीनगर येथे अवैधरित्या नेले जात होते. ही माहिती फुलंब्री पोलिसांना मिळाली. त्यानुसार सावंगी येथील समृद्धी महामार्गावर सापळा रचण्यात आला. पाचही टेम्पो थांबवून तपासणी केली. प्रत्येक टेम्पोमध्ये तीन ते चार बैल दाटीवाटीने आखूड दोरीने बांधलेले होते. बैलांना कत्तलीसाठी नेले जात होते.
पोलिसांनी १२ लाख रुपयांचे पाच टेम्पो आणि सहा लाख रुपयांचे २१ बैल असा एकूण १८ लाख रुपयांचा मुद्देमाल जप्त केला. सर्व २१ बैल चिकलठाणा गोशाळेत जमा करण्यात आले. पाचही टेम्पो फुलंब्री पोलिस ठाण्यात ठेवण्यात आले. या प्रकरणी फुलंब्री पोलिस ठाण्यात विविध कलमानुसार गुन्हा दाखल करण्यात आला. पोलिस निरीक्षक संजय सहाने यांच्या मार्गदर्शनाखाली पुढील तपास सुरू आहे.
