पुणे पुस्तक महोत्सवांतर्गत खडकी येथील टिकाराम जगन्नाथ कला, वाणिज्य व विज्ञान महाविद्यालयात (स्वायत्त) एक अभिनव उपक्रम राबवण्यात आला. कोहिनूर ग्रुपने ‘शांतता पुणेकर वाचत आहेत’ या संकल्पनेवर आधारित ‘पुस्तक’ या शब्दाची भव्य प्रतिकृती उभारली. या प्रतिकृत
.
या उपक्रमाची गिनीज वर्ल्ड रेकॉर्डमध्ये अधिकृत नोंद झाली आहे. यामुळे पुणे पुस्तक महोत्सव, कोहिनूर ग्रुप आणि खडकी शिक्षण संस्थेने टी. जे. महाविद्यालयाच्या प्रांगणात एक ऐतिहासिक विक्रम प्रस्थापित केला आहे.
या विश्वविक्रमी उपक्रमामागील संकल्पना महाविद्यालयाचे प्राचार्य डॉ. संजय चाकणे, पुणे पुस्तक महोत्सवाचे अध्यक्ष राजेश पांडे आणि कोहिनूर ग्रुपचे सर्वेसर्वा कृष्णकुमार गोयल यांची होती. त्यांच्या मार्गदर्शनामुळे ही कल्पना प्रत्यक्षात साकार झाली.
यावेळी एनपीटीचे अध्यक्ष मिलिंद मराठे यांनी सांगितले की, हा उपक्रम वाचनसंस्कृतीचे वैचारिक आंदोलन आहे. गिनीज वर्ल्ड रेकॉर्डमुळे केवळ विक्रम नोंदवला गेला नाही, तर वाचनाचे सामाजिक मूल्य अधिक दृढ झाले असून, संस्थेच्या शैक्षणिक वैभवात भर पडली आहे.
महाविद्यालयाचे प्राचार्य डॉ. संजय चाकणे यांनी नमूद केले की, वाचन ही केवळ अभ्यासाची प्रक्रिया नसून समाजमन घडवणारी शक्ती आहे. ‘पुस्तक’ या शब्दाची प्रतिकृती ही ज्ञान, शांतता आणि विवेक यांची सामूहिक अभिव्यक्ती आहे. असे उपक्रम विद्यार्थ्यांना व समाजाला वाचनाकडे आकर्षित करण्यासाठी दिशादर्शक ठरतात.
पुणे पुस्तक महोत्सवाचे अध्यक्ष राजेश पांडे यांनी सांगितले की, या उपक्रमामुळे पुण्याची समृद्ध वाचनपरंपरा जागतिक स्तरावर पोहोचली आहे. १७,००१ वाचकांच्या सहभागातून उभा राहिलेला हा विक्रम म्हणजे वाचनचळवळीचा एक मोठा उत्सव आहे.
