केतन अग्रवाल खून प्रकरण:सियाने केतनचा पासपोर्ट फूड कोर्टवरच काढून घेतला, चालकाकडून धक्कादायक माहिती समोर

राज्यभरात चर्चेत असलेल्या केतन अग्रवाल खून प्रकरणात नवनवीन खुलासे होत असून, या प्रकरणात अटक करण्यात आलेली त्याची होणारी पत्नी सिया गोयल आणि तिचा मित्र चेतन चौधरी यांना पोलिसांनी आज सकाळी लोहगडावर नेऊन गुन्ह्याचे ‘सीन रिक्रिएशन’ केले. दरम्यान, हत्येच्या कटाबाबत महत्त्वाची माहिती समोर आली असून, सिया आणि केतन प्री-वेडिंग शूटसाठी बालीला जाणार होते. या प्रवासासाठी सियाला पुण्यातून विमानतळापर्यंत सोडणाऱ्या वैभव जाधव नावाच्या चालकाने पोलिसांना दिलेल्या जबाबात सियाबाबत काही धक्कादायक माहिती उघड केली आहे, ज्याचा तपास पोलिस करत आहेत. केतन अग्रवाल आणि सिया गोयल यांच्या प्री-वेडिंग शूटसाठी बालीला जाण्याबाबत एक धक्कादायक माहिती समोर आली आहे. या प्रवासासाठी सिया तयार नव्हती आणि ती गाडीत बसायलाही नकार देत होती, अशी माहिती वैभव जाधव या चालकाने दिली आहे. वैभवच्या जबावानुसार, सियाचा भाऊ साहिल याने तिला हाताला धरून जबरदस्तीने गाडीत बसवले होते आणि पुणे ते रावेत (पिंपरी-चिंचवड) दरम्यान प्रवासात त्या दोघांमध्ये तीव्र वादही झाले होते, ज्यातून या प्रकरणाला एक वेगळेच वळण मिळाले आहे. केतनचा पासपोर्ट सियाने फूडकोर्टवरच टाकला वैभव जाधव याने दिलेल्या माहितीनुसार, प्रवासादरम्यान किवळे (लोढा) येथून केतन अग्रवाल व त्याच्या कुटुंबीयांना मुंबईच्या दिशेने घेऊन जात असताना वाटेत एका फूड कोर्टवर नाश्त्यासाठी गाडी थांबली होती. यावेळी सियाने काहीतरी निमित्त करून गाडीकडे परतत त्यातून काही सामान काढून आपल्या खिशात लपवल्याचे वैभवच्या निदर्शनास आले होते. पुढे मुंबई विमानतळावर पोहोचल्यानंतर केतनचा पासपोर्ट गाडीत राहिल्याचे समजले, परंतु प्रत्यक्षात तो पासपोर्ट सियाने फूड कोर्टवरच चोरल्याचे वैभवच्या लक्षात आले होते. सियाने अत्यंत चाणाक्षपणे हा प्रकार केल्याचा धक्कादायक गौप्यस्फोट या चालकाने केला असून, यामुळे या संपूर्ण प्रकरणाला एक वेगळेच वळण मिळाले आहे. लोहगडावर गुन्ह्याचे ‘सीन रिक्रिएशन’ केल्यानंतर, आरोपी सिया गोयल आणि चेतन चौधरी यांची लोणावळा ग्रामीण पोलिस ठाण्यात पोलिस अधीक्षक संदीप सिंह गिल यांच्यासमोर सखोल चौकशी सुरू आहे. ही चौकशी सलग दोन तासांहून अधिक काळ सुरू असून, यातून हत्येच्या कटाबाबत अधिक महत्त्वपूर्ण माहिती समोर येण्याची शक्यता वर्तवण्यात येत आहे. या संदर्भातील ही देखील बातमी वाचा सियापुढे केतनच्या खुनाचा सीन रीक्रिएट:पोलिसांनी दोघांनाही लोहगड किल्ल्यावर नेले, तटबंदीवरून एक डमी फेकून पाहिला परिणाम पुण्यातील हत्या प्रकरणात, रविवारी पोलिसांनी केतनला लोहगड किल्ल्यावरून खाली ढकलण्याच्या घटनेचे प्रात्यक्षिक (सीन रिक्रिएशन) केले. मिळालेल्या माहितीनुसार, यासाठी पोलिसांनी सिया गोयलला सकाळी साडेसहा वाजता किल्ल्यावर नेले होते. वाचा सविस्तर