दिव्य मराठी विश्लेषण‎:विधानसभेतील पराभवानंतर तनपुरेंची जंगम मालमत्ता 1 कोटीने, कर्ज 22 लाखांनी वाढले, ईडी न्यायालयाने दोषमुक्त केल्याने एकही गुन्हा दाखल नाही

.

प्राजक्त तनपुरे यांच्या वैयक्तिक वार्षिक उत्पन्नात १० लाख ४० हजार १०० रुपयांची घट झाली. सन २०२४ मध्ये आयकर विवरण पत्रात त्यांचे वार्षिक उत्पन्न ४६ लाख ८ हजार २३० रुपये होते. आता हे उत्पन्न २०२६ मध्ये ३५ लाख ६८ हजार १३० रुपयांवर आले. दुसरीकडे त्यांच्या पत्नी सोनाली यांच्या उत्पन्नात मात्र १९ हजार ५९० रुपयांची वाढ नोंदवली असून ते २१ हजार ५४० रुपयांवरून ४१ हजार १३० रुपये झाले. उत्पन्न घटले तरी दोघांच्याही जंगम मालमत्तेत वाढ आहे. प्राजक्त तनपुरे यांची स्वतःची जंगम मालमत्ता १ कोटी ४ लाख २५ हजार ९४ रुपयांनी वाढून ती आता १ कोटी ३१ लाख ९२ हजार ७७४ रुपयांवरून थेट २ कोटी ३६ लाख १७ हजार ८६९ रुपयांवर पोहोचली आहे. तसेच, त्यांच्या पत्नीच्या जंगम मालमत्तेतही ९ लाख ८३ हजार ५१८ रुपये भर पडली असून ती १ कोटी ६३ लाख ५१ हजार ८०६ रुपयांवरून १ कोटी ७३ लाख ३५ हजार ३२५ रुपये इतकी झाली.

तनपुरे दाम्पत्याकडे ११.२५ कोटींच्या जागा प्राजक्त तनपुरे यांच्या नावावर राहुरी येथील ९ एकर २३ गुंठे शेतजमीन, वांबोरी येथील ३०६ चौरस मीटर बिगरशेती जमीन आणि पुण्याच्या लोहगाव येथील एकूण ३५०० चौरस फुटांचे दोन निवासी फ्लॅट्स आहेत. तसेच त्यांच्या पत्नीच्या नावावर धाराशीव येथील ६ एकर ५ गुंठे शेतजमीन आहे. बाजारमूल्य वाढल्याने स्थावर मालमत्तेत ६० लाख रुपयांची वाढ होऊन ती १० कोटी ८२ लाख ५ हजार रुपये झाली आहे. तर त्यांच्या पत्नीची स्थावर मालमत्ता ४३ लाख १८ हजार ५५० रुपये आहे.

दोघांकडेही प्रत्येकी १०० ग्रॅम सोने, ८ लाखांनी किंमत वाढली दोघांकडे प्रत्येकी १०० ग्रॅम सोने कायम आहे. बाजारभाव वधारल्यामुळे या सोन्याचे मूल्य प्रत्येकी ४ लाख रुपयांनी वाढून आता ८ लाख रुपयांवरून १२ लाख रुपये झाले आहे. याव्यतिरिक्त पत्नीच्या जडजवाहिर मूल्यात १ लाख ३० हजार रुपयांची वाढ होऊन ते १० लाख रुपये झाले आहे. प्राजक्त टेक्सटाईल, प्रसाद शुगर आणि गोवर्धन मिल्क या कंपन्यांमधील शेअर्स प्राजक्त तनपुरे यांच्याकडे आहेत.