संभाजीनगरात गुरुवारी पहाटे 5 ते सकाळी 11यादरम्यान वाहतूक बदल लागू:लॉ कॉलेज ते पाणचक्की, मिलिंद चौक ते विद्यापीठ रस्ता ईदनिमित्त गुरुवारी बंद
शहरात २८ मे रोजी बकरी ईद साजरी होणार आहे. यानिमित्त छावणी येथील ईदगाह मैदानावर नमाज अदा करण्यासाठी मोठ्या संख्येने मुस्लिम बांधव एकत्र येतात. यादरम्यान वाहतूक कोंडी होऊ नये म्हणून छावणी, रोजाबाग ईदगाह परिसरातील वाहतुकीत बदल करण्यात आले आहेत. २८ मे रोजी सकाळी ५ वाजेपासून ते ११ वाजेपर्यंत हे वाहतूक बदल लागू राहतील. इदगाह मैदानाजवळील रस्ते बंद असतील. त्याचबरोबर हडको कॉर्नर ते उद्धवराव पाटील चौक या रस्त्याची एक बाजू बंद असेल. या मार्गावरील वाहने शासकीय रुग्णालयाकडील सुरू असलेल्या दुसऱ्या बाजूच्या मार्गाने ये-जा करतील. ही अधिसूचना पोलिस, रुग्णवाहिका व अत्यावश्यक सेवेच्या वाहनांना लागू राहणार नाही, असे वाहतूक शाखेचे सहायक निरीक्षक सचिन मिरघे यांनी सांगितले. गोवंश वाहतूक रोखण्यासाठी शहरात ३ पथके तैनात बंदोबस्तासाठी ४ उपायुक्त, ७ सहायक आयुक्त, २५ निरीक्षक, ५८ एपीआय/पीएसआय, ९८६ अंमलदार, ४९ महिला अंमलदार, ७ कॅमेरामन, राज्य राखीव पोलिस दलाची एक तुकडी, ४०० पुरुष व १०० महिला होमगार्ड असे १६३६ अधिकारी, कर्मचारी तैनात केले आहेत. यासोबतच अवैध गोवंश वाहतूक रोखण्यासाठी शहरात ३ विशेष पथके (१ गुन्हे शाखा, २ परिमंडळ विभाग) स्थापन करण्यात आली असून, ६ ठिकाणी २४ तास चेक पोस्ट असणार आहे. पर्यायी मार्ग : घाटी रुग्णालय व पाणचक्की मार्गे मिलिंद चौकाकडे येणारी वाहने घाटी रुग्णालय, ज्युबिली पार्क, मिलकॉर्नर, बारापुल्ला गेट, मिलिंद चौक या पर्यायी मार्गाने जातील. पर्यायी मार्ग : या मार्गावरील वाहने मिलिंद चौक, बारापुल्ला गेट, मिलकॉर्नर, ज्युबिली पार्क, टाऊन हॉल, मकाई गेट या मार्गाचा वापर करतील.
