घाटनांद्र्याचा सुपुत्र भारतीय सैन्यात:नितीन कापसेचा जल्लोषात सत्कार
प्रतिनिधी | घाटनांद्रा गावचा सुपुत्र नितीन दगडूबा कापसे याची इंडियन आर्मीमध्ये क्लर्क या पदासाठी निवड झाली आहे. त्याच्या निवडिमुळे गावात अभिमानाचे वातावरण निर्माण झाले आह. त्याच्या या यशाबद्दल शुक्रवारी सायंकाळी गावातून भव्य मिरवणूक काढण्यात आली. गावकऱ्यांनी मोठ्या उत्साहात सहभागी होत नितीन कापसेचे जल्लोषात स्वागत केले. मिरवणुकीची सुरुवात छत्रपती शिवाजी महाराजांच्या पुतळ्यापासून झाली. नितीन कापसे, वडील दगडूबा कापसे, आई मीरा कापसे यांनी शिवरायांच्या पुतळ्याला पुष्पहार अर्पण केला. माजी जिल्हा परिषद सदस्य कौतिकराव मोरे, उपस्थित ग्रामस्थांच्या हस्ते नितीनचा शाल, श्रीफळ देऊन ढोल-ताशांचा गजरात सत्कार करण्यात आला. फटाक्यांची आतषबाजी झाली. “भारत माता की जय”, “जय भवानी, जय शिवाजी”च्या घोषणांनी गाव दुमदुमून निघाले. सजवलेल्या वाहनातून नितीनची गावातून मिरवणूक काढण्यात आली. गावातील अनेक महिलांनी नितिनचे ठिकठिकाणी औक्षण केले. मान्यवरांनी नितीनच्या जिद्द, मेहनत, चिकाटीचे कौतुक केले. तो गावातील युवकांसाठी प्रेरणा असल्याचे सांगितले.
