तीन जुगार अड्ड्यांवर छापे; १७ आरोपींना ताब्यात; ६ लाख ४० हजार ६५० रुपयांचा मुद्देमाल जप्त

पहिल्या कारवाईत पवन बनकर, साईनाथ वडजे, परशुराम उबाळे, प्रवीण आनलदास, वैभव पुंजरवाड, राजेश सुतार, प्रदीप कानगुर्ले आणि अशोक शिंगणगुटे यांच्यासह अन्य आरोपींना पकडण्यात आले. दुसऱ्या कारवाईत सुरेश उर्फ सानू नामकीर, ओमकार शेख, हरीसिंग जपलसिंग, शेख आसिफ आणि शुभंकर हंबर्डे यांच्यावर कारवाई करण्यात आली. तर तिसऱ्या कारवाईत मोहम्मद निसार मोहम्मद यासीन, मोहम्मद फारुख रफीक, फैसल चाऊस सलाम चाऊस आणि मोहम्मद अकबर शेख बाबू यांना जुगार खेळताना पकडण्यात आले. पोलिसांनी आरोपींकडून जुगाराचे साहित्य, रोख रक्कम, मोबाईल फोन आणि मोटारसायकली जप्त केल्या आहेत. नांदेड ग्रामीण पोलिसांनी १ मेपासून आतापर्यंत अवैध जुगार व्यवसायाविरोधात विशेष मोहीम राबवून १२ गुन्हे दाखल केले असून, एकूण ५० आरोपींवर कारवाई करत १८ लाख ५७ हजार ९० रुपयांचा मुद्देमाल जप्त केला आहे.