Sunetra Pawar | बारामती पोटनिवडणूक निकाल; सुनेत्रा पवारांचा 2 लाख 18 हजार 930 मतांनी विजय

Sunetra Pawar | महाराष्ट्र (Maharashtra) विधानसभा पोटनिवडणुकीचे अत्यंत लक्षवेधी निकाल आज स्पष्ट झाले असून, बारामती (Baramati) मतदारसंघात सुनेत्रा पवार (Sunetra Pawar) यांनी राजकीय विश्वाला थक्क करणारा विजय मिळवला आहे. महायुतीच्या या उमेदवाराने केवळ आपल्या प्रतिस्पर्ध्यांचा पराभव केला नाही, तर राज्याच्या निवडणूक प्रक्रियेतील आजवरचे सर्व जुने विक्रम मोडीत काढून एक अभूतपूर्व यश संपादन केले आहे.

पवार कुटुंबाच्या बालेकिल्ल्यात मताधिक्याचा डोंगर

अजित पवार (Ajit Pawar) यांच्या निधनामुळे रिक्त झालेल्या या मतदारसंघात सुनेत्रा पवार यांनी त्यांच्याच पतीचा जुना रेकॉर्ड मोडीत काढला आहे. २०१९ मध्ये अजितदादांनी १ लाख ६५ हजार मतांच्या फरकाने विजय मिळवत जो उच्चांक प्रस्थापित केला होता, तो आता इतिहास जमा झाला आहे. सुनेत्रा वहिनींनी या निवडणुकीत तब्बल २,१८,९३० मतांचे प्रचंड मताधिक्य घेत विजयाचा नवा मानदंड तयार केला आहे.

पोटनिवडणुकीत एखाद्या महिला उमेदवाराने इतक्या मोठ्या फरकाने विजय मिळवण्याची ही पहिलीच वेळ असावी, अशी चर्चा राजकीय वर्तुळात रंगली आहे. बारामतीकरांनी पुन्हा एकदा पवार घराण्यावर आपला अढळ विश्वास व्यक्त केला असून, या निकालाने सुनेत्रा पवारांच्या नेतृत्वावर मोहोर उमटवली आहे. हा विजय आगामी राजकारणाची दिशा ठरवणारा मानला जात आहे.

राहुरीमध्ये कर्डिले यांच्या विजयाचे ‘कमळ’ फुलले

अहमदनगर जिल्ह्यातील राहुरी (Rahuri) विधानसभा मतदारसंघातही मतदारांनी महायुतीलाच कौल दिला आहे. भारतीय जनता पक्ष (Bharatiya Janata Party) चे दिवंगत आमदार शिवाजीराव कर्डिले (Shivajirao Kardile) यांच्या निधनानंतर त्यांचे पुत्र अक्षय कर्डिले (Akshay Kardile) या निवडणुकीत उतरले होते. वडिलांच्या निधनामुळे निर्माण झालेली सहानुभूती आणि विकासकामांचा वारसा याच्या जोरावर अक्षय यांनी मतदारांना आकर्षित करण्यात यश मिळवले आहे.

अक्षय कर्डिले यांच्या या मोठ्या विजयामुळे राहुरीमध्ये पुन्हा एकदा भाजपचे वर्चस्व सिद्ध झाले आहे. कौटुंबिक वारसा आणि तरुण नेतृत्व या जोरावर त्यांनी प्रतिस्पर्ध्यांना धोबीपछाड दिली. बारामती आणि राहुरी या दोन्ही विजयांनी महायुतीमधील कार्यकर्त्यांमध्ये नवा उत्साह भरला असून, गुलालाची उधळण आणि फटाक्यांच्या आतिषबाजीने दोन्ही शहरे न्हाऊन निघाली आहेत.

News Title: Sunetra Pawar Record Breaking Victory In Baramati