Vivo T5 Pro 5G | जबरदस्त बॅटरीसह Vivo चा सर्वात शक्तिशाली स्मार्टफोन लाँच होणार! जाणून घ्या फीचर्स

Vivo T5 Pro 5G | स्मार्टफोन बाजारात पुन्हा एकदा मोठी हलचल होणार असून (Vivo) कंपनी आपला नवीन T-सीरिजमधील फोन भारतात सादर करण्याच्या तयारीत आहे. या डिव्हाइसमध्ये जबरदस्त बॅटरी, प्रगत प्रोसेसर आणि आकर्षक डिझाईन देण्यात आले आहे. त्यामुळे मिड-रेंज सेगमेंटमध्ये हा फोन ग्राहकांचे लक्ष वेधून घेणार आहे.

Vivo T5 Pro 5G हा स्मार्टफोन भारतात 15 एप्रिल 2026 रोजी दुपारी 12 वाजता लॉन्च होणार आहे. लॉन्चनंतर हा फोन कंपनीच्या अधिकृत वेबसाईटसोबतच Flipkart या ई-कॉमर्स प्लॅटफॉर्मवर विक्रीसाठी उपलब्ध केला जाईल. कंपनीने यासाठी विशेष मायक्रोसाईटही सुरू केली असून त्यावर फोनचा डिझाईन आणि लूक स्पष्टपणे पाहायला मिळतो. (Vivo T5 Pro 5G Launch Date)

या फोनमध्ये 1.5K रिझोल्यूशनचा AMOLED डिस्प्ले देण्यात येणार आहे. तसेच हा स्मार्टफोन Android 16 आधारित OriginOS 6 वर चालणार आहे. यामुळे वापरकर्त्यांना स्मूथ मल्टीटास्किंग आणि स्थिर कामगिरीचा अनुभव मिळणार आहे. या डिव्हाइसमध्ये Qualcomm Snapdragon 7s Gen 4 प्रोसेसर देण्यात आला असून तो गेमिंगसाठीही उपयुक्त ठरणार आहे.

Vivo T5 Pro 5G | बॅटरी, गेमिंग आणि किंमत तपशील :

या स्मार्टफोनची सर्वात मोठी खासियत म्हणजे 9020mAh क्षमतेची बॅटरी, जी भारतीय बाजारातील फोनमध्ये सर्वाधिक असल्याचा दावा कंपनी करत आहे. याआधीच्या T4 Pro मॉडेलमध्ये 6500mAh बॅटरी होती, त्यामुळे या नवीन मॉडेलमध्ये मोठी सुधारणा करण्यात आली आहे. एकदा पूर्ण चार्ज केल्यावर हा फोन दिवसभर सहज वापरता येईल, असे कंपनीचे म्हणणे आहे.

याशिवाय, या फोनमध्ये 120FPS पर्यंत गेमिंग सपोर्ट आणि 7000mm व्हेपर कूलिंग चेंबर दिले जाणार आहे, ज्यामुळे दीर्घकाळ गेमिंग करतानाही फोन थंड राहील. कॅमेराच्या बाबतीत ड्युअल रियर कॅमेरा सेटअप देण्यात आला असून फोन दोन वेगवेगळ्या रंगांमध्ये उपलब्ध होण्याची शक्यता आहे. किंमतीबाबत बोलायचे झाल्यास, तज्ज्ञांच्या मते हा स्मार्टफोन ₹30,000 ते ₹37,000 दरम्यान बाजारात येऊ शकतो.