Mobile Expiry | तुमच्या मोबाईलला एक्सपायरी असते का? जाणून घ्या यामागचं सविस्तर उत्तर

Mobile Expiry | आजच्या डिजिटल युगात मोबाईल फोन प्रत्येकाच्या दैनंदिन जीवनाचा अविभाज्य भाग बनला आहे. संवाद साधण्यापासून ऑनलाइन व्यवहारांपर्यंत सर्व गोष्टी फोनवर अवलंबून आहेत. मात्र, या उपकरणालाही एक मर्यादित आयुष्य असते का, हा प्रश्न अनेकांना पडतो. याबाबत सध्या महत्त्वाची माहिती समोर आली आहे.

मोबाईल फोनवर स्पष्टपणे ‘एक्सपायरी डेट’ दिलेली नसते. फोनच्या बॉक्सवर केवळ उत्पादनाची तारीख नमूद केलेली असते. एखादा फोन किती काळ चांगल्या स्थितीत राहील हे त्याच्या वापराच्या पद्धतीवर आणि कंपनीकडून मिळणाऱ्या सॉफ्टवेअर अपडेट्सवर अवलंबून असते.

साधारणपणे एखादा स्मार्टफोन ३ ते ४ वर्षे सुरळीत काम करतो. त्यानंतर त्याची कार्यक्षमता कमी होऊ लागते. फोनची गती मंदावते, बॅटरी लवकर संपते आणि काही अॅप्स व्यवस्थित चालत नाहीत. यासोबतच फोनचे हार्डवेअर घटक जसे की बॅटरी, स्क्रीन किंवा इतर भाग जास्त वापरामुळे झिजू लागतात, ज्यामुळे वापरात अडथळे निर्माण होतात.

Mobile Expiry | कधी बदलावा फोन? संकेत समजून घ्या :

मोबाईल कंपन्या सामान्यतः ३ ते ५ वर्षांपर्यंत सॉफ्टवेअर अपडेट्स पुरवतात. या अपडेट्समुळे नवीन फीचर्स मिळतात तसेच फोनची सुरक्षा टिकून राहते. मात्र, जेव्हा कंपनीकडून अपडेट्स येणे थांबते, तेव्हा फोन ‘आउटडेटेड’ मानला जातो आणि त्याचा वापर धोकादायक ठरू शकतो. (smartphone lifespan)

विशेषतः (Apple) कंपनी त्यांच्या (iPhone) मॉडेल्सना विक्री थांबल्यानंतर ५ ते ७ वर्षांनी ‘विंटेज’ श्रेणीत टाकते. त्यानंतर त्या डिव्हाइससाठी सपोर्ट आणि अपडेट्स हळूहळू बंद होतात. फोन स्लो होणे, बॅटरी लवकर संपणे, नवीन अॅप्स चालू न शकणे किंवा अपडेट्स बंद होणे हे सर्व संकेत नवीन फोन घेण्याची वेळ आल्याचे दर्शवतात. जुना फोन वापरल्यास सुरक्षा धोके वाढू शकतात आणि कार्यक्षमता कमी झाल्यामुळे दैनंदिन कामांमध्ये अडचणी निर्माण होतात.