*१४० अतिक्रमण धारकांवर कारवाई करुन तब्बल २ ट्रक माल जप्त*
नांदेड – शहरातील वाढत्या अतिक्रमणावर आळा घालण्यासाठी व वाहतुकीची समस्या सोडविण्याच्या दृष्टीकोणातुन दक्षिण नांदेड भागातील अतिशय रहदारीचा म्हणुन ओळखला जाणारा बाफना टी पॉईंट ते देगलुर नाका या भागातील रस्याच्या दुतर्फा असणाऱ्या अतिक्रमण धारकांवर महानगरपालिकेने कारवाईचा बडगा उगारला असुन दिनांक २१.०४.२०२५ रोजी महानगरपालिकेच्या अतिक्रमण निर्मूलन पथकाने *देगलुर नाका परिसरातील बाफना टी पॉईंट ते देगलुर नाका व देगलुर नाका पोलीस चौकी ते हैदरबाग* रस्त्याच्या दोन्ही बाजुने झालेले अतिक्रमण काढण्यात आले. या कारवाईत जेसीबीच्या सहाय्याने १४० अतिक्रमण धारकांवर कारवाई करण्यात आली तसेच तब्बल ०२ ट्रक माल जप्त करण्यात आला आहे.
सदरील कारवाई *मनपा आयुक्त तथा प्रशासक डॉ.महेशकुमार डोईफोडे, पोलीस अधिक्षक अबिनाश कुमार व अतिरिक्त आयुक्त गिरीश कदम* यांच्या मार्गदर्शनाखाली *उपआयुक्त स. अजितपालसिंघ संधु* यांच्या नेतृत्वात अनधिकृत बांधकाम व अतिक्रमण विभाग व पोलीस प्रशासनाच्या संयुक्त पथकाने ही कारवाई पार पाडली. बाफना टी पॉइंट ते देगलुर नाका ते हैदरबाग या रस्त्यावरील रहदारीस व पदचाऱ्यास अडथळा ठरणाऱ्या अतिक्रमण धारकांवर कारवाई करून रस्ता अतिक्रमण-मुक्त करण्याच्या हेतुने ही कारवाई करण्यात आली असुन या कारवाईत उपविभागीय पोलीस अधिकारी सुशिलकुमार नायक, इतवारा पोलीस स्टेशनचे पोलीस निरीक्षक रंजीत भोईटे, अतिक्रमण विभागाचे सहाय्यक आयुक्त रावण सोनसळे, क्षेत्रिय अधिकारी रमेश चवरे, डॉ.मिर्झा फरहतुल्ला बेग, राजेश जाधव, गौतक कवडे, अग्निशमन अधिकारी के.जी. दासरे, अतिक्रमण पथक प्रमुख विशाल सोनकांबळे, अनिल चौदंते यांच्यासह महापालिकेचे ७० कर्मचारी तसेच पोलीस विभागातील ८० कर्मचाऱ्यांचा सहभाग होता. एकंदरीत महानगरपालिका व पोलीस विभागाच्या संयुक्त विद्यमाने ही जंबो कार्यवाही करुन रस्त्यावरील अतिक्रमण काढुन टाकण्यात आले आहे.
महानगरपालिका हद्दीत मुख्य रस्त्यावर व्यापाऱ्यांनी व नागरीकांनी कोणत्याही प्रकारचे अतिक्रमण न करता रहदारीस अडथळा होणार नाही याची दक्षता घेण्याचे आवाहन महापालिकेतर्फे करण्यात येत आहे. शहरातील मुख्य रस्ते अथवा इतरत्र अतिक्रमण झाल्याचे निदर्शनास आल्यास संबंधीतावर दंडात्मक कारवाई करण्याचा इशारा महापालिका प्रशासना तर्फे देण्यात येत असुन यापुढे सुध्दा महानगरपालिका व पोलीस प्रशासनाच्या संयुक्त विद्यमाने शहरातील अतिक्रमण धारकांवर कारवाई करण्याची मोहिम सुरुच राहील असे महापालिका प्रशासनातर्फे स्पष्ट करण्यात आले.
Leave a Reply