नांदेड(प्रतिनिधी)-दि.13 आणि 14 मार्च रोजी नांदेड जिल्ह्यात येलो अर्लट जारी करण्यात आला आहे. त्यासाठी जिल्हा आपत्ती व्यवस्थापन प्राधिकरणाने नागरीकांसाठी सुचना जारी केल्या आहेत.
प्रादेशिक हवामान केंद्र मुंबई यांनी आज दि.11 मार्च रोजी दिलेल्या सुचनेनुसार दि.13 आणि 14 एप्रिल 2025 या दोन दिवसांसाठी जिल्ह्यात येलो अर्लट जारी केला आहे. या काळात जिल्ह्यात तुरळक ठिकाणी 30 ते 40 किलो मिटर वेगाने वारे वाहतील, विजांचा कडकडाट होईल. ढगांच्या गडगडाटांसह हलका ते मध्यम स्वरुपाचा पाऊस पडण्याची शक्यता प्रादेशिक हवामान केंद्राने वर्तवली आहे.
आपत्ती व्यवस्थापनाने जारी केलेल्या माहितीनुसार नागरीकांनी काही कामे करावीत. ज्यामध्ये पावसाची पुर्व कल्पना असल्यास बाहेर जाणे टाळा. मोकळ्या जागेत उभे असाल तर जवळपास कुठल्याही सुरक्षीत इमारतीचा सहारा घ्या. तसे शक्य नसेल तर सखल जागेत जाऊन गुडघ्यात डोके घालून बसा. आकाशात विजा चमकत असल्यास घराच्या बालकनीत गच्चीवर, घरातील बाहेरच्या ओट्यावर बसू नका. अशा वेळी घरातील विज उपकरणे सुरू असतील तर ती बंद करा. तारांचे कुंपन, विजेचे खांब व इतर लोखंडी वस्तुंपासून दुर राहा. पाण्यात उभे असाल तर तात्काळ पाण्यातून बाहेर या. या कामांचा समावेश आहे.
आपत्ती व्यवस्थापन प्राधिकरणाच्या सुचनेप्रमाणे काही कामे करू नयेत ज्यामध्ये आकाशात विजा चमकत असतील तर घरातील लॅंडलाईन फोनचा वापर करू नका, शॉवरखाली अंघोळ करू नका. घरातील बेसीनचे नळ, पाण्याची पाईपलाईन यांना स्पर्श करू नका तसेच कुठल्याही विद्युत उपकरणांचा वापर करू नका. विजेच्या गडगडाटासह वादळी वारे सुरू असतांना लोखंडी धातूच्या सहाय्याने उभारलेल्या तंबूमध्ये किंवा शेडमध्ये आसरा घेवून नका, उंच झाडाच्याखाली आसरा घेवू नका, धातुंच्या उंच मनोऱ्याजवळ उभे टाकू नका. जर आपण घरात असाल तर उघड्या दारातून अथवा खिडकीतून विज पडतांना पाहु नका ते बोहर थांबण्याइतकेच धोका दायक आहे. अशा बाबींचा समावेश आहे.
Leave a Reply