हिमायतनगर पोलीस ठाण्याच्या हद्दीतील जुगार अड्डा  उपमहानिरीक्षक यांच्या पथकाने उध्वस्त केला

याच पथकाने भोकर पोलीस ठाण्याच्या हद्दीत अवैध रेती वाहतूक करणाऱ्या एका ट्रॅक्टरवर कारवाई केली. या कारवाईत ट्रॅक्टर व ब्रास रेतीसह सुमारे 30 लाख 25 हजार रुपयांचा मुद्देमाल जप्त करण्यात आला. या प्रकरणी संबंधित आरोपीविरुद्ध भा.दं.वि. कलम 303 (2), (3), (5) तसेच महाराष्ट्र जमीन महसूल अधिनियम अंतर्गत गुन्हा दाखल करण्यात आला आहे.

या दोन्ही कारवायांमध्ये जप्त करण्यात आलेल्या मुद्देमालाची एकूण किंमत 32 लाख 6 हजार रुपये इतकी आहे. ही कारवाई पोलिस उप निरीक्षक पंकज इंगळे यांच्या पथकाने केली असून पोलीस अंमलदार  प्रदीप खानसोळे, संजीव जिंकलवाड, गणेश धुमाळ,कामाजी गवळी आदींनी सहभाग घेतला. दरम्यान, 16 मार्चपासून 30 मार्चपर्यंत जिल्ह्यात गुन्हा विरोधी विशेष मोहीम राबविण्यात येणार असल्याची माहिती पोलिसांनी दिली आहे. या मोहिमेत अवैध दारू, जुगार, मटका, गुटखा विक्री तसेच इतर बेकायदेशीर व्यवसायांवर कठोर कारवाई करण्यात येणार आहे.

तसेच नागरिकांनी परिसरात सुरू असलेल्या अवैध व्यवसायांची माहिती पोलिसांना देण्यासाठी ‘खबर’ हेल्पलाईन सुरू करण्यात आली असून 91 50 100 100 या मोबाईल क्रमांकावर संपर्क साधण्याचे आवाहन पोलिस उपमहानिरीक्षक शहाजी उमाप यांनी केले आहे.