शिवणी येथील विमानतळाचे नामकरण संत गजानन महाराज विमानतळ करा, अशी मागणी भाजपचे खासदार अनूप धोत्रे यांनी केली आहे. याबाबत पत्र त्यांनी केंद्रीय विमान वाहतूक राज्यमंत्री मोहोळ यांची भेट घेऊन दिले आहे. विदर्भाची पंढरी संत नगरी अकोल्यापासून ४५ किलोमीटर दूर आहे. विदर्भ पश्चिम विदर्भाची ओळख संत गजानन महाराज यांच्यापासून असून मोठ्या प्रमाणात अकोल्यातून विमान सेवा सुरू झाल्यावर भाविक भक्त मोठ्या प्रमाणात जाणे-येणे करणार आहेत. संत गजानन महाराज नगरी शेगाव येथे मोठ्या प्रमाणात मुंबई आणि देशभरातून मोठ्या प्रमाणात भक्तगण येत असतात. शेगाव येतीलन उत्कृष्ट व्यवस्थापन सोबत मानवतेच्या कार्यामुळे संत गजानन महाराज संस्थेचे नाव सर्वदूर असून अकोल्यातील मोठ्या प्रमाणात भावीक भक्त दर गुरुवारी मोठ्या संख्यातून जात असतात. अकोलेकरांच्या असंख्य नागरिकांची मागणी आहे कि, संत गजानन महाराज विमानतळ हे नाव देण्यात यावे ,अशी मागणी खा.धोत्रे यांनी केली आहे. त्यानंती या दृष्टीने मुख्यमंत्री देवेंद्र फडणवीस यांच्याकडे सुद्धा मागणी केली. महाराष्ट्र सरकार या संदर्भातला ठराव मंजूर करून राज्य शासनाकडे पाठवल्यास तरी त्वरित कारवाई करून भावी भक्तांच्या भावना जपण्यातील अशी ग्वाही मुरलीधर मोहोळ यांनी दिली आहे.राज्य शासनाने विमानतळ विस्तारासाठी जमीन अधिकरणाचा काम सुरू केले असून जिल्हाधिकाऱ्यांकडे जबाबदारी देण्यात आली आहे. लवकरच १८ मीटर रुंदीची धावपट्टी च काम सुरू होईल असाही विश्वास खा. धोत्रे यांनी व्यक्त केला. विशेष पायलट प्रशिक्षण केंद्र संदर्भातही प्रक्रिया सुरू असल्याची त्यांनी सांगून छोटीशी विमानसेवा संदर्भात सुद्धा अनेक कंपन्याशी चर्चा सुरू असल्याची ना. मोहोळ म्हणाले. असा आहे खर्च मंजूर विस्तारीकरणाबाबत निधी मंजूर आहे. भूसंपादन, बांधकाम, झाडांचे मूल्य आदींसाठी १९५कोटी ११ लाख रुपयांची तरतूद करण्यात आली आहे. १)जमीन:- २२ हजार ४०४ चौ.मी. अर्थात २२. २४ हेक्टर जमीन, अन्य झाडांच्या मूल्यासाठी १९५ कोटी ११ लाखाची तरतूद शासन निर्णयात नमूद आहे. २) आस्थापना : . उपविभागीय अधिकारी आस्थापना खर्चासाठी ५ कोटी ८५ लाख ३३ हजार १७७ आणि महावितरण कंपनीच्या आस्थपाना खर्च भागावा, यासाठी ७ कोटी ८० लाख ४४ हजार रुपयांची तरतूद करण्यात आली आहे.
शिवणी नव्हे, संत गजानन महाराज विमानतळ नामकरण करा:खा. धाेत्रेंची मागणी, केंद्रीय विमान वाहतूक राज्यमंत्री माेहाेळ यांना दिले
