उच्च व तंत्र शिक्षण विभाग ग्रंथालय संचालनालय महाराष्ट्र राज्य व जिल्हा ग्रंथालय अधिकारी कार्यालय भंडारा मार्फत भंडारा ग्रंथोत्सव 2025 चे आयोजन पाच व सहा फेब्रुवारी रोजी जकातदार माध्यमिक विद्यालयात आयोजित करण्यात आला आहे. या ग्रंथोत्सवाच्या आयोजनाच्या
.
गुरुवार दिनांक 5 फेब्रुवारी रोजी सकाळी नऊ वाजता या कार्यक्रमाच ग्रंथ पूजन व ग्रंथ दिंडीने शुभारंभ होणार आहे यावेळी जिल्हाधिकारी सावन कुमार, निवासी उपजिल्हाधिकारी मनोहर चव्हाण, जिल्हा नियोजन अधिकारी तारकेश्वरी बोरीगड्डे , शिक्षणाधिकारी मनीषा गजभिये, शिक्षणाधिकारी प्राथमिक रवींद्र सोनटक्के ,ग्रंथालय संचालक रामदास साठे आणि जिल्हा ग्रंथालय संघाचे अध्यक्ष धनंजय दलाल उपस्थित राहणार आहेत.
सकाळी ग्रंथ पूजन व ग्रंथ दिंडी नंतर अकरा वाजता ग्रंथोत्सव उद्घाटन समारंभ व ग्रंथ प्रकाशन सोहळा संपन्न होईल. या उद्घाटन सोहळ्याला पालकमंत्री डॉ. पंकज भोयर उद्घाटक म्हणून तर अध्यक्ष म्हणून ज्येष्ठ साहित्यिक, ज्ञानेश वाकुडकर हे असणार आहेत. या कार्यक्रमाला प्रमुख पाहुणे म्हणून जिल्ह्यातील सर्व लोकप्रतिनिधी उपस्थित राहणार आहेत.
उद्घाटन समारंभा नंतर गुरुवार दिनांक 5 फेब्रुवारी रोजी दुपारी तीन ते पाच वाजे दरम्यान दरम्यान चला वाचन करू, या नवीन पिढी घडवूया, हा परिसंवाद आहे. या परिसंवादामध्ये प्राध्यापक नरेश आंबीलकर, डॉ. प्रकाश मालगावे, ग्रंथपाल डॉ. धनंजय गभने आणि तरुण भारतचे जिल्हा प्रतिनिधी विजय निचकवडे व प्राध्यापक अजिंक्य भांडारकर सहभागी होणार आहेत.
शुक्रवार दिनांक 6 फेब्रुवारी रोजी सकाळी 11 ते 1 वाजे दरम्यान महिला व ग्रंथालय या विषयावर महाचर्चा होणार असून सहभागी वक्त्यांमध्ये समाजसेविका सविता बेदरकर, अधीक्षक सहाय्यक धर्मदाय आयुक्त कार्यालय, छाया भुसारी ,डॉ. ममता राऊत प्राध्यापिका जे .एम. पटेल महाविद्यालय व शैलजा दांदळे, जिल्हा माहिती अधिकारी भंडारा यांचा समावेश असणार आहे.
दुपारी एक ते दोन या दरम्यान मी अहिल्याबाई होळकर बोलतेय हे एकपात्री नाटक जकातदार विद्यालय ची विद्यार्थिनी कुमारी खुशी आदेश तितीरमारे सादर करणार आहे. दुपारी अडीच ते साडेचार वाजे दरम्यान कवी संमेलन होणार असून या कवी संमेलनाचे अध्यक्ष प्रमोद कुमार शाहू हास्य कवी तुमसर हे असणार आहेत,तर सहभागी कवींमध्ये विजय बघेले ,तुमसर व शफीकल्ला करीम सय्यद भंडारा हे असणार आहेत. दुपारी साडेचार ते साडेपाच वाजे दरम्यान समारोपीय कार्यक्रम होणार असून या कार्यक्रमाचे अध्यक्ष निवासी उपजिल्हाधिकारी मनोहर चव्हाण असतील. तरी या कार्यक्रमांमध्ये ग्रंथ प्रेमींनी,वाचकांनी, नागरिकांनी मोठ्या प्रमाणावर सहभागी व्हावी ,असे आवाहन जिल्हा ग्रंथालय अधिकारी खुमेन्द्र बोपचे यांनी केले आहे.
