राज्यात आगामी महानगरपालिका निवडणुकांच्या पार्श्वभूमीवर आचारसंहिता लागू करण्यात आली असून, निवडणूक आयोगाची भरारी पथके सध्या अत्यंत सतर्क आहेत. मुंबईसह विविध महानगरांमध्ये संशयास्पद वाहनांची कसून तपासणी केली जात आहे. गेल्या काही दिवसांत अनेक ठिकाणी उमेद
.
याच कडक बंदोबस्ताचा भाग म्हणून मुंबईतील देवनार परिसरात निवडणूक आयोगाच्या भरारी पथकाने मोठी कारवाई केली आहे. एका संशयास्पद वाहनाची तपासणी केली असता, त्यात तब्बल 2 कोटी 33 लाख रुपयांची रोख रक्कम सापडल्याने खळबळ उडाली आहे. पथकाने ही सर्व रोकड तातडीने ताब्यात घेतली असून, ही रक्कम नेमकी कोणाची आहे आणि ती कुठे नेली जात होती, याचा सखोल तपास सुरू करण्यात आला आहे. आचारसंहितेच्या काळात इतकी मोठी रक्कम सापडल्याने पोलीस आणि निवडणूक विभागाकडून आता अधिक कडक तपासणी केली जात आहे.
मुंबईतील देवनार परिसरात निवडणूक भरारी पथकाने मोठी कारवाई करत दोन व्हॅनमधून तब्बल 2 कोटी 33 लाख रुपयांची रोकड जप्त केली आहे. ही रक्कम एटीएममध्ये भरण्यासाठी नेली जात असल्याचा दावा संबंधित कर्मचाऱ्यांकडून करण्यात आला असला तरी, निवडणूक आचारसंहितेच्या पार्श्वभूमीवर आयकर विभागाकडून या पैशांची सखोल चौकशी करण्यात येत आहे. देवनार पोलिसांनी या घटनेची नोंद आपल्या स्टेशन डायरीत केली असून, ही रक्कम सध्या पोलिस कस्टडीत सुरक्षित ठेवण्यात आली आहे. ही रोकड नेमकी कुठून आणि कोणाकडे नेली जात होती, याचा शोध आता आयकर विभाग आणि पोलिस प्रशासन संयुक्तपणे घेत आहे.
