गेल्या अडीच तीन वर्षांपासून जामखेड सौताडा या राष्ट्रीय महामार्गचे काम सुरू असून मुख्य रस्ता असलेला खर्डा चौक ते समर्थ हॉस्पिटलपर्यंतचा शहरांतर्गत रस्त्याच्या कामाला गती मिळेना यासाठी जिल्हाधिकारी डॉ. पंकज आशिया यांनी जामखेड तहसील कार्यालयात सबंधित वि
.
यावेळी तहसीलदार धनंजय बांगर, गटविकास अधिकारी शुभम जाधव, पोलिस निरीक्षक दशरथ चौधरी, मुख्याधिकारी अजय साळवे, शशिकांत सुतार, तालुका कृषी अधिकारी रविंद्र घुले आदी उपस्थित होते.
अनेक महिन्यांपासून समर्थ हॉस्पीटल ते खर्डा चौक हे काम संथ गतीने सुरू आहे. त्यामुळे नागरिकांना मोठ्या प्रमाणात त्रास सहन करावा लागत आहे. या रस्त्यासाठी ठेकेदार व अधिकारी यांची यावेळी जिल्हाधिकारी डॉ. पंकज आशिया यांनी झाडाझडती घेत हा रस्ता तत्काळ झाला पाहिजे अशा सूचना अधिकारी व ठेकेदार यांना दिल्या. जिल्हाधिकारी यांनी रस्त्याबाबत कोण अडथळा निर्माण करत असेल तर त्यांच्यावर कायदेशीर कारवाई करा पण रस्त्याबाबत कोणताही निष्काळजीपणा चालणार नाही असा इशारा दिला.
जिल्हाधिकारी यांनी जामखेड येथील उपजिल्हा रुग्णालयाच्या बांधकामाची पाहणी करत त्या ठेकेदार यांना लवकरात लवकर पूर्ण करण्याच्या सूचना दिल्या. जामखेड येथे मतदान स्ट्राँग रूमची पाहणी करत तेथील सुरक्षिततेची पाहणी केली आहे. २१ डिसेंबर रोजी मतमोजणी असल्याने कायदा व सुव्यवस्थेच्या प्रश्न निर्माण होणार नाही याबाबत पोलिस प्रशासनाने योग्य त्या उपाययोजना करण्याच्या सूचना यावेळी देण्यात आल्या आहेत.
