BJP-Shiv Sena to contest Pune Municipal Elections together | पुणे महापालिका निवडणूक भाजप-शिवसेना एकत्र लढणार: केंद्रीय मंत्री मुरलीधर मोहोळ यांनी बैठकीनंतर दिली माहिती – Pune News

.

राज्यात भाजप-शिवसेना महायुतीचे सरकार आहे. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी राज्यातील सर्व महापालिका निवडणुका युती म्हणून लढवण्यावर एकमत केले आहे. या निर्णयानुसार, पुण्यात भाजप आणि शिवसेनेच्या प्रमुख पदाधिकाऱ्यांमध्ये गुरुवारी सकारात्मक चर्चा झाली.

ही चर्चा प्राथमिक स्वरूपाची होती. यामध्ये काही प्रभाग, जागावाटप आणि संख्यांबाबतही विचारविनिमय झाला. पुढील टप्प्यात आणखी बैठका घेऊन युतीला अंतिम स्वरूप दिले जाईल, असे मोहोळ यांनी स्पष्ट केले.

दोन्ही पक्षांमध्ये इच्छुकांची संख्या मोठी असली तरी, सर्वांना संधी मिळणे अवघड आहे. इच्छुक असणे गैर नाही. आम्ही एकत्रित लढणार असल्याने कुठेही बंडखोरी होण्याची शक्यता नाही, असे मोहोळ यांनी नमूद केले. भारतीय जनता पक्ष हा सर्वात मोठा राजकीय पक्ष असून, लोकशाही पद्धतीने इच्छुकांकडून अर्ज मागवून मुलाखती घेण्यात आल्या आहेत. यापुढील निर्णय कोअर कमिटी आणि पक्ष नेतृत्व घेईल, असेही त्यांनी सांगितले.