admin
नांदगाव पेठच्या विस्तारित एमआयडीसीमध्ये नवीन कौशल्य विकास केंद्र कार्यान्वित होणार आहे. येत्या १५ दिवसांत मुख्यमंत्री देवेंद्र फडणवीस यांच्या हस्ते या केंद्राचे उद्घाटन होणार आहे.
.
उद्योगमंत्री उदय सामंत यांनी बुधवारी केंद्राला भेट दिली. त्यांनी यंत्रसामग्रीची पाहणी केली आणि उद्घाटनाच्या तयारीसाठी अधिकाऱ्यांना सूचना दिल्या. हे केंद्र स्थानिक उद्योजकांना कुशल मनुष्यबळ पुरवण्याचे काम करणार आहे.
राज्यात नाशिक, छत्रपती संभाजीनगर, नागपूर आणि अमरावतीसह पाच ठिकाणी अशी केंद्रे स्थापन करण्यात आली आहेत. केंद्रात आयटीआय, तंत्रनिकेतन व अभियांत्रिकी पदवीधारकांसह इतर विद्यार्थ्यांना प्रशिक्षण दिले जात आहे.
उद्घाटन कार्यक्रमात ‘माझी मराठी, अभिजात मराठी’ हा सांस्कृतिक कार्यक्रम आयोजित केला जाणार आहे. मुंबई, सुरत आणि अहमदाबाद येथील टेक्सटाईल उद्योजकांशी चर्चाही होणार आहे.
केंद्रात अत्याधुनिक लॅब आणि यंत्रसामग्री उपलब्ध आहे. प्रशिक्षणासोबत प्रत्यक्ष कामाचा अनुभवही विद्यार्थ्यांना मिळत आहे. स्थानिक उद्योजकांनी आधीच ४४० प्रशिक्षित कामगारांची मागणी नोंदवली आहे.
