Hardik Pandya | हार्दिक पांड्याची नवी इनिंग सुरू? गर्लफ्रेंड महिकासोबतच्या ‘त्या’ रोमँटिक डेटमुळे प्रचंड चर्चेत
Hardik Pandya | आयपीएल (IPL) 2026 मधून मुंबई इंडियन्स (Mumbai Indians) संघाचे आव्हान संपल्यानंतर क्रिकेटपटू हार्दिक पांड्या (Hardik Pandya) पुन्हा एकदा वैयक्तिक आयुष्यामुळे चर्चेत आला आहे. गर्लफ्रेंड महिका शर्मा (Mahieka Sharma) सोबतच्या त्याच्या रोमँटिक डेटचे काही खास फोटो सोशल मीडियावर समोर आले असून चाहत्यांकडून त्यांना मोठी पसंती मिळत आहे. या फोटोंमध्ये दोघांमधील जवळीक आणि केमिस्ट्री स्पष्टपणे पाहायला मिळत आहे.
समोर आलेल्या फोटोंमध्ये हार्दिक पांड्या (Hardik Pandya) शर्टलेस लूकमध्ये दिसत असून त्याचा स्टायलिश अंदाज चाहत्यांचे लक्ष वेधून घेत आहे. दुसरीकडे, महिका शर्मा (Mahieka Sharma) लाल रंगाच्या ग्लॅमरस ड्रेसमध्ये विविध पोझ देताना दिसत आहे. तिचा हा लूक सोशल मीडियावर मोठ्या प्रमाणात चर्चेत आला असून अनेकांनी तिच्या सौंदर्याचे कौतुक केले आहे. या जोडप्याचे फोटो पाहून चाहत्यांनी कमेंट्सचा वर्षाव सुरू केला आहे.
दुसऱ्या काही फोटोंमध्ये महिका आयवरी रंगाच्या ड्रेसमध्ये दिसते. तिच्या हातात फुलांचा गुच्छ असून हार्दिक तिचा हात हातात घेऊन उभा असल्याचे पाहायला मिळते. दोघेही अतिशय रोमँटिक मूडमध्ये दिसत असून त्यांच्या नात्यातील जवळीक या फोटोंमधून स्पष्ट होत आहे. विमानप्रवास असो किंवा एखादी खास डेट, हे जोडपे अनेकदा एकमेकांसोबत वेळ घालवताना दिसून आले आहे.
Hardik Pandya | फोटोंची सोशल मीडियावर जोरदार चर्चा :
हार्दिक पांड्या (Hardik Pandya) आणि महिका शर्मा (Mahieka Sharma) यांच्यातील प्रेमसंबंध याआधीही अनेकदा चर्चेत आले आहेत. टी-20 वर्ल्डकप (T20 World Cup) स्पर्धा असो किंवा आयपीएल (IPL) सामने, दोघेही एकमेकांना सपोर्ट करताना आणि प्रेम व्यक्त करताना अनेकदा कॅमेऱ्यात कैद झाले आहेत. चाहत्यांमध्ये या जोडीची लोकप्रियता मोठ्या प्रमाणात वाढली असून त्यांचे फोटो इंटरनेटवर वेगाने व्हायरल होत आहेत.
महिकाने सोशल मीडियावर हे फोटो शेअर करत एक खास कॅप्शनही लिहिले आहे. “त्याची सकाळ स्माईल आणि फुलांच्या मोहक सुगंधाने झाली,” असे तिने पोस्टमध्ये म्हटले आहे.
