Fruits vs Juice | फळे की ज्यूस? शरीरासाठी नक्की फायदेशीर काय? जाणून घ्या तज्ज्ञांचा महत्त्वाचा सल्ला

Fruits vs Juice | आजकाल हेल्थबाबत जागरूकता वाढल्यामुळे अनेकजण फळे खाण्याऐवजी त्यांचा ज्यूस पिणे पसंत करतात. पण सोशल मीडियावर असा दावा केला जातो की फ्रूट ज्यूसमुळे Diabetes होऊ शकतो किंवा ब्लड शुगर झपाट्याने वाढते, त्यामुळे नेमकं काय योग्य, फळे की ज्यूस? याचा सखोल विचार करणे गरजेचे आहे.

प्रत्यक्षात पाहता, फळे आणि ज्यूस दोन्हीमध्ये पोषक घटक असतात. मात्र, त्यांचा शरीरावर होणारा परिणाम वेगळा असतो. त्यामुळे योग्य पर्याय निवडताना काही महत्त्वाच्या गोष्टी लक्षात घेणे आवश्यक आहे.

संपूर्ण फळांमध्ये भरपूर फायबर असते. हे फायबर शरीरात साखरेचे शोषण हळूहळू करते, ज्यामुळे ब्लड शुगर नियंत्रणात राहतो. याउलट, ज्यूस बनवताना फळातील बहुतांश फायबर निघून जाते आणि फक्त साखरयुक्त द्रव उरतो.

यामुळे ज्यूस प्यायल्यावर साखर लवकर रक्तात मिसळते आणि ब्लड शुगर पटकन वाढू शकतो. म्हणूनच ज्यूसचा ग्लायसेमिक इंडेक्स तुलनेने जास्त असतो, म्हणजे तो शरीरात जलद पचतो.

Fruits vs Juice | ज्यूस पूर्णपणे वाईट आहे का? :

नाही. फ्रूट ज्यूस पूर्णपणे हानिकारक नाही. मर्यादित प्रमाणात घेतल्यास तो शरीराला व्हिटॅमिन्स आणि मिनरल्स देतो. अनेक अभ्यासांनुसार, योग्य प्रमाणात घेतलेला ज्यूस थेट Diabetes चे कारण ठरत नाही.

मात्र, समस्या तेव्हा निर्माण होते जेव्हा आपण जास्त प्रमाणात ज्यूस पितो. कारण एका ग्लास ज्यूसमध्ये अनेक फळांची साखर एकत्रितपणे जाते, जी शरीरासाठी जास्त ठरू शकते.

तज्ज्ञांचा सल्ला काय?

आरोग्य तज्ज्ञांच्या मते:

शक्यतो संपूर्ण फळे खाणे अधिक फायदेशीर आहे. तसेच ज्यूस प्यायचा असेल तर तो मर्यादित प्रमाणात घ्यावा. साखर न घातलेला (unsweetened) ज्यूसच निवडावा व डायबिटीज किंवा प्रीडायबिटीज असणाऱ्यांनी विशेष काळजी घ्यावी

जर तुम्ही आरोग्यासाठी सर्वोत्तम पर्याय शोधत असाल, तर फळे खाणे हा सर्वात चांगला पर्याय आहे. कारण त्यामध्ये फायबर, नैसर्गिक साखर आणि पोषक घटक संतुलित प्रमाणात मिळतात.