राज्यातील यंदाच्या दुष्काळी परिस्थितीचा परिणाम बांधकाम क्षेत्रावरही होण्याची शक्यता आहे. पाणी ही शहरी तसेच ग्रामीण भागातील जीवनावश्यक गरज असल्याने त्याचा तुटवडा निर्माण झाल्यास त्याचे परिणाम सर्वच क्षेत्रांवर दिसून येतील. त्यातून आगामी काळात शहरांकडे होणारे स्थलांतरही वाढू शकते, असे मत मँत्रा समूहाचे व्यवस्थापकीय संचालक रोहित गुप्ता यांनी व्यक्त केले. पुण्यात २००७ मध्ये सुरू झालेल्या मँत्रा समूहाने अभिनेता रणबीर कपूर यांची ब्रँड प्रतिनिधी म्हणून नियुक्ती केली आहे. समूहाच्या १९ वर्षांच्या वाटचालीनंतर पुण्याबाहेरील बाजारपेठांमध्ये विस्ताराची दिशा स्वीकारण्यात आली आहे. मुंबईसह अन्य बाजारपेठांमध्ये कामकाज वाढवण्याबरोबरच आंतरराष्ट्रीय स्तरावरही भागीदारी करण्यास सुरुवात झाली आहे. गुप्ता म्हणाले, “दुष्काळाचा परिणाम केवळ शेतीपुरता मर्यादित राहत नाही. पाण्याची उपलब्धता कमी झाल्यास शहरी आणि ग्रामीण भागातील दैनंदिन जीवनासह विविध उद्योगांवर त्याचा परिणाम होतो. त्यातून रोजगार आणि सुविधांच्या शोधात शहरांकडे होणारे स्थलांतर वाढण्याची शक्यता आहे. अशा परिस्थितीत बांधकाम क्षेत्रासमोरही नवीन आव्हाने निर्माण होऊ शकतात.” “सध्या सुरू असलेल्या प्रकल्पांची कामे वेळेत पूर्ण करण्यावर आमचा भर राहणार आहे. बदलत्या परिस्थितीत नियोजन आणि कामाची गती कायम ठेवणे महत्त्वाचे आहे,” असेही त्यांनी स्पष्ट केले. मँत्रा समूहाने निवासी, व्यावसायिक आणि किरकोळ बांधकाम क्षेत्रात कामकाज वाढवले आहे. लक्झरी निवास प्रकल्पांसाठी जेकब अँड कंपनीसह विविध संस्थांशी भागीदारी करण्यात आली आहे. पुण्यातील प्रकल्पांसाठी वास्तुरचना आणि फॅशन क्षेत्रातील नावांसोबतही सहकार्य करण्यात आले आहे. रणबीर कपूर यांची ब्रँड प्रतिनिधी म्हणून नियुक्ती हा समूहाच्या नव्या ब्रँड मोहिमेचा भाग आहे. ‘निवडींचा उत्सव’ या संकल्पनेवर आधारित मोहिमेत रणबीर कपूर आणि रोहित गुप्ता एकत्र दिसणार आहेत.