ऑगस्टमध्ये कमी पाऊस, देशात सप्टेंबरमध्येही कमकुवतच:47% जिल्ह्यांत कमी पाऊस किंवा दुष्काळी स्थिती

[ads1]

ऑगस्टनंतर आता सप्टेंबरमध्येही देशभरात मान्सून कमकुवत राहण्याची शक्यता आहे. भारतीय हवामान विभागाच्या अंदाजानुसार, सप्टेंबरमध्ये सरासरीपेक्षा कमी पाऊस पडण्याची शक्यता आहे. या महिन्यात सरासरी १६७.९ मिमी पाऊस पडतो, परंतु तो ९१% म्हणजेच सुमारे १५३ मिमीपेक्षाही कमी राहण्याचा अंदाज आहे. या वर्षी मान्सूनच्या सुरुवातीच्या महिन्यांमध्ये पावसाची स्थिती बरीच चढ-उताराची राहिली आहे. जूनमध्ये ३५% कमी, जुलैमध्ये १% जास्त आणि ऑगस्टमध्ये पुन्हा १६% कमी पावसाची नोंद झाली आहे. ऑगस्टदरम्यान अनेक डिप्रेशन, कमी दाबाचे क्षेत्र आणि पश्चिमी विक्षोभ येऊनही पावसाची तूट भरून निघू शकली नाही. जून ते ऑगस्ट या तीन महिन्यांत एकूण ६०३.७ मिमी पाऊस झाला आहे, जो सरासरी ७००.७ मिमीपेक्षा सुमारे १३.८% ने कमी आहे. देशातील ५२% जिल्ह्यांमध्ये सरासरी किंवा त्याहून जास्त पाऊस झाला आहे, तर अजूनही ४७% जिल्ह्यांमध्ये कमी पाऊस किंवा दुष्काळासारखी स्थिती आहे. ऑगस्टमध्ये २१३.३ मिमी पाऊस केवळ सरासरीपेक्षा कमी राहिला नाही तर १९०१ पासून आतापर्यंतची ही ऑगस्ट महिन्यातील १७ वी आणि २००१ नंतरची ७ वी सर्वात कमी नोंद आहे. पुढे काय? सप्टेंबरही जास्त तापणार आयएमडीनुसार, सप्टेंबरमध्ये अनेक भागांत कमाल तापमान सरासरीपेक्षा जास्त राहण्याची शक्यता आहे. तसेच उत्तर-पश्चिम, उत्तर-पूर्व, पूर्व, पूर्व-मध्य भारत आणि दक्षिण-पूर्व द्वीपकल्पीय भारताच्या काही भागांमध्ये सरासरीपेक्षा जास्त पाऊस शक्य आहे, पण बहुतांश भागांत पाऊस कमीच राहील. आतापर्यंत १४% कमी पाऊस
महिना आतापर्यंत पाऊस सरासरी पाऊस तफावत
जून 106.8 मिमी 165.3 मिमी -35%
जुलै 283.3 मिमी 280.5 मिमी +1%
अॉगस्ट 213.3 मिमी 254.9 मिमी -16%
एकूण 603.4 मिमी 700.7 मिमी -14% ऑगस्टचे सरासरी तापमान २८.०१ अंश सेल्सियस राहिले, जे १९०१ पासून आतापर्यंतचे सर्वाधिक आहे. सरासरी किमान तापमानही २४.३६ अंश राहिले, जे गेल्या १२६ वर्षांतील सर्वाधिक आहे. सरासरी कमाल तापमान ३१.६६ अंश राहिले, जे आतापर्यंतचे चौथे सर्वाधिक तापमान आहे. ऑगस्टमध्ये कमाल तापमान ०.६५ अंश, किमान ०.६८ अंश व सरासरी तापमान ०.६७ अंशांनी जास्त नोंदवले गेले. म्हणजे कमी पावसासोबत रात्रीही असामान्यपणे गरम राहिल्या.

[ads2]