admin
पुण्यातील खराडी परिसरातील एका उच्चभ्रू वसाहतीतील फ्लॅटमध्ये शनिवारी (२६ जुलै) रात्री उशिरा सुरू असलेली रेव्ह पार्टी पुणे पोलिसांनी उधळली. यात चार पुरुष आणि दोन महिलांना अटक करण्यात आली असून अटक झालेल्यांमध्ये माजी मंत्री एकनाथ खडसे यांचे जावई आणि रोह
.
सोनाटा लिमोझिन कार वादातही होते चर्चेत
प्रांजल हे वादात अडकण्याची ही पहिलीच वेळ नाही. याआधीही ते त्यांच्या आलिशान सोनाटा लिमोझिन कारमुळे चर्चेत आले होते. सामाजिक कार्यकर्त्या अंजली दमानिया यांनी या कारच्या अवैध नोंदणीचा मुद्दा उपस्थित करत आरोप केले होते. दमानिया यांच्या मते, खेवलकर यांच्या MH-19-AQ-7800 क्रमांकाच्या लिमोझिन कारची नोंदणी जळगाव आरटीओमध्ये एलएमव्ही (हलकी मोटारी) श्रेणीत करण्यात आली होती, जे नियमबाह्य असल्याचा त्यांचा आरोप होता. तसेच देशात फक्त अॅम्बेसेडर लिमोझिनना वापरण्याची परवानगी असून अन्य लिमोझिन गाड्यांना परवानगी नसल्याचाही दावा त्यांनी केला होता. त्या प्रकरणानंतरही मोठा राजकीय गदारोळ झाला होता आणि आता रेव्ह पार्टीमुळे पुन्हा एकदा प्रांजल खेवलकर चर्चेत आले आहेत. या प्रकरणामुळे केवळ खेवलकर नव्हे, तर त्यांचे सासरे एकनाथ खडसे यांच्यावरही राजकीय दबाव वाढण्याची शक्यता आहे.
हडपसरमध्ये बंगला, बाणेरला कार्यालय
रोहिणी खडसे यांनी गेल्या विधानसभा निवडणुकीत मुक्ताईनगरमधून उमेदवारी अर्ज भरला होता. यात खेवलकर यांच्या आयकर विवरणपत्रात दर्शवलेल्या उत्पन्नानुसार २०२३-२४ या आर्थिक वर्षांत खेवलकरचे आर्थिक उत्पन्न ३६ लाख ६३ हजार होते. खेवलकरकडे बीएमडब्ल्यू, फॉर्च्युनर आणि जीप मेरिडियन अशा तीन चारचाकी आहेत. मुक्ताईनगरमधील मौजे कोथळीत शेतजमीन, पुण्यातील बाणेरमध्ये वाणिज्य संकुलातील नवव्या मजल्यावर कार्यालय, वानवडीत एक दुकान आणि कार्यालये आहेत. हडपसर येथे बंगला असून नाशिक- मुक्ताईनगर येथेदेखील निवासी जागा आहेत. प्रांजलवर कोट्यवधींचे कर्जदेखील असल्याचे सांगण्यात आले आहे.
प्रांजल राजकारणापासून आहेत दूर
प्रांजल खेवलकर हे एकनाथ खडसे यांचे जावई आणि शरद पवारांच्या राष्ट्रवादी काँग्रेसच्या महिला प्रदेशाध्यक्षा रोहिणी खडसे यांचे पती आहेत. रोहिणी यांनी पहिल्या पतीपासून घटस्फोट घेतल्यानंतर आपल्या बालपणीच्या मित्राशी म्हणजेच प्रांजल खेवलकर यांच्याशी विवाह केला होता. सध्या हे दांपत्य मुक्ताईनगर येथे वास्तव्यास आहे. प्रांजल खेवलकर राजकारणापासून दूर असून त्यांचा मुख्य व्यवसाय जमीन खरेदी-विक्री, रिअल इस्टेट, इव्हेंट मॅनेजमेंट आणि ट्रॅव्हल क्षेत्रात आहे. याशिवाय त्यांच्या नावावर साखर आणि ऊर्जा क्षेत्रातील कंपन्याही नोंदवलेल्या आहेत. त्यांच्या पत्नी रोहिणी खडसे या मात्र सक्रिय राजकारणात कार्यरत आहेत.
