Updated on: May 26, 2023 | 10:47 AM
‘द केरळ स्टोरी’ या चित्रपटात अदा शर्माशिवाय योगिता बिहानी, सिद्धी इदनानी, सोनिया बलानी, विजय कृष्ण, प्रणय पचौरी आणि प्रणव मिश्रा यांच्याही भूमिका आहेत. सुदिप्तो सेन यांनी चित्रपटाचं दिग्दर्शन केलं असून विपुल शाह त्याचे निर्माते आहेत.
Adah Sharma
Image Credit source: Instagram
मुंबई : ‘द केरळ स्टोरी’ या चित्रपटामुळे अभिनेत्री अदा शर्मा सध्या यशाच्या शिखरावर आहे. भारतात कमाईचा 200 कोटींचा टप्पा पार करणारा हा महिलाप्रधान भूमिका असलेला पहिला चित्रपट ठरला आहे. आता 300 कोटींकडे या चित्रपटाची वाटचाल सुरू आहे. कारण जगभरात ‘द केरळ स्टोरी’ची कमाई आतापर्यंत जवळपास 260.5 कोटी रुपये इतकी झाली आहे. केरळमधील हिंदू आणि ख्रिश्चन मुलींचं धर्मांतर केल्यानंतर त्यांना कथित ISIS दहशतवादी संघटनेत सामील करून घेतलं गेलं, अशी कथा यामध्ये दाखवण्यात आली आहे. त्यामुळे हा चित्रपट ‘इस्लामोफोबिक’ असल्याची टीका होत आहे. नुकत्याच दिलेल्या एका मुलाखतीत अदा शर्मा याविषयी मोकळेपणे व्यक्त झाली.
