Updated on: May 25, 2023 | 12:55 PM
बिहारमधील एका गावात जन्मलेल्या मनोज बाजपेयी यांचा बॉलिवूडपर्यंतचा प्रवास काही सोपा नव्हता. इथपर्यंत पोहोचण्यासाठी त्यांनी अनेक समस्यांचा आणि संघर्षाचा सामना केला. करिअरच्या सुरुवातीला त्यांना अनेकदा नकारही पचवावा लागला.
Manoj Bajpayee
Image Credit source: Instagram
मुंबई : अभिनेता मनोज बाजपेयी सध्या ‘सिर्फ एक बंदा काफी है’ या चित्रपटामुळे चर्चेत आहे. हा चित्रपट झी5 या ओटीटी प्लॅटफॉर्मवर प्रदर्शित झाला आहे. या चित्रपटाच्या प्रमोशननिमित्त मनोज यांनी गेल्या काही दिवसांपासून काही मुलाखती दिल्या आहेत. या मुलाखतींमध्ये ते बॉलिवूड इंडस्ट्रीपासून ते खासगी आयुष्यापर्यंत विविध मुद्द्यांवर मोकळेपणे व्यक्त होत आहेत. अशाच एका मुलाखतीमध्ये जेव्हा त्यांच्या संपत्तीविषयी प्रश्न विचारण्यात आला, तेव्हा त्यांनी मजेशीर उत्तर दिलं. मनोज यांची तब्बल 170 कोटींची संपत्ती आहे का, असा प्रश्न त्यांना विचारण्यात आला होता.
