“माझ्या लग्नाचे भोग तुम्ही भोगताय का?”; तिसऱ्यांदा लग्न न करण्याचा सल्ला देणाऱ्यांना श्वेता तिवारीचं सडेतोड उत्तर – Shweta Tiwari On two Failed Marriages People Advise Me Not To Marry Again and trolling her daughter Palak Tiwari

मुंबई : ‘कसौटी जिंदगी की’ या मालिकेत प्रेरणाची भूमिका साकारून अभिनेत्री श्वेता तिवारी घराघरात पोहोचली. आपल्या दमदार अभिनयकौशल्यामुळे श्वेताने टीव्ही इंडस्ट्रीत नाव कमावलं. मात्र खासगी आयुष्यामुळे ती नेहमीच चर्चेत राहिली. नुकत्याच दिलेल्या एका मुलाखतीत श्वेता तिच्या दोन्ही अयशस्वी लग्नांबद्दल आणि कौटुंबिक हिंसाचाराबद्दल मोकळेपणे व्यक्त झाली. श्वेताने भोजपुरी अभिनेता राजा चौधरीशी पहिलं लग्न केलं होतं. या दोघांनी 2007 मध्ये घटस्फोट घेतला होता. त्यानंतर तिने अभिनव कोहलीशी लग्नगाठ बांधली. मात्र हे नातंसुद्धा फार काळ टिकू शकलं नाही. 2019 मध्ये अभिनव आणि श्वेता विभक्त झाले. श्वेताला पहिल्या लग्नापासून पलक तिवारी ही मुलगी आहे. तर अभिनवपासून तिला रेयांश हा मुलगा आहे.