Indian Idol 13 | दत्तक घेतलेल्या मुलाने बदललं आईवडिलांचं नशीब; जाणून घ्या कोण आहे विजेता ऋषी सिंह? – indian idol 13 know about the winner rishi singh adopted son won the trophy of singing reality show

मुंबई : टेलिव्हिजनवरील लोकप्रिय रिॲलिटी शो ‘इंडियन आयडॉल 13’चा ग्रँड फिनाले नुकताच पार पडला. अयोध्येच्या ऋषी सिंहने या पर्वाचं विजेतेपद पटकावलं आहे. प्रेक्षकांकडून सर्वाधिक मतं ऋषीला मिळाली आहेत. इंडियन आयडॉलच्या ट्रॉफीसोबतच त्याला 25 लाख रुपये बक्षिसाची रक्कम मिळाली आहे. मात्र इथपर्यंतचा त्याचा प्रवास काही सोपा नव्हता. ऋषीने इंडियन आयडॉलच्या मंचावर परफॉर्म केल्यानंतर त्याच्या खासगी आयुष्याविषयी मोठा खुलासा केला होता. त्याने सांगितलं होतं की तो त्याच्या आईवडिलांचा खरा मुलगा नाही. इंडियन आयडॉलच्या थिएटर राऊंडनंतर तो जेव्हा घरी पोहोचला होता, तेव्हा ऋषीला समजलं होतं की त्याच्या आईवडिलांना त्याला दत्तक घेतलं आहे.