Updated on: Mar 29, 2023 | 8:15 AM
आकांक्षाने आत्महत्येपूर्वी इन्स्टाग्राम अकाऊंटवर एक व्हिडीओ शेअर केला होता, ज्यामध्ये ती रडताना दिसत होती. आकांक्षाच्या या व्हिडीओमुळे चाहत्यांनी चिंता व्यक्त केली होती. कारण या व्हिडीओनंतरच तिने आत्महत्या केली.
Akanksha Dubey
Image Credit source: Instagram
वाराणसी : भोजपुरी अभिनेत्री आकांक्षा दुबेच्या आत्महत्येनंतर भोजपुरी फिल्म इंडस्ट्रीवर शोककळा पसरली आहे. सारनाथच्या एका हॉटेल रुममध्ये ती मृतावस्थेत आढळली होती. वयाच्या अवघ्या 25 व्या वर्षी आकांक्षाने टोकाचं पाऊल का उचललं, असा प्रश्न चाहत्यांमध्ये उपस्थित झाला आहे. तर दुसरीकडे तिच्या पोस्टमॉर्टम रिपोर्टचीही सर्वांना प्रतीक्षा आहे. आकांक्षाचा पोस्टमॉर्टम रिपोर्ट पोलिसांना मिळाला आहे. मात्र त्यांनी तो सीलबंदच ठेवला आहे. पोस्टमॉर्टम रिपोर्ट आल्यानंतरही त्यातील माहिती पोलीस का सांगत नाहीयेत, असा सवाल चाहते उपस्थित करत आहेत. मात्र पोलिसांनी हे आधीच स्पष्ट केलंय की आकांक्षाने आत्महत्या केली आहे.
