हा एक ॲक्शन चित्रपट असला तरी त्यात कौटुंबिक कथा आणि प्रेमकहाणीसुद्धा आहे. आतापर्यंत या चित्रपटातील तीन गाणी प्रदर्शित झाली असून त्यांना प्रेक्षकांकडून चांगला प्रतिसाद मिळाला.
नागराज मंजुळे, सयाजी शिंदे यांनी घेतली चंद्रपूर पोलिसांची भेट
Image Credit source: Tv9
चंद्रपूर : ‘सैराट’ या चित्रपटामुळे देशभरात ख्याती मिळवणारे दिग्दर्शक नागराज मंजुळे आणि अभिनेते सयाजी शिंदे यांनी नुकतीच चंद्रपूर पोलिसांची भेट घेतली. यावेळी दोघांनी नक्षलवाद्यांशी स्वत: दोन हात केलेल्या चंद्रपूरमधील C 16 बटालियनच्या पोलिसांशी संवाद साधला. नागराज यांचा आगामी ‘घर बंदूक बिरयानी’ हा चित्रपट लवकरच प्रेक्षकांच्या भेटीला येणार आहे. त्यानिमित्ताने नागराज मंजुळे, सयाजी शिंदे, आकाश ठोसर, सायली टीम अशी चित्रपटाची टीम महाराष्ट्र दौरा करत आहे. घर बंदूक बिरयानी या चित्रपटाचा ट्रेलर पाहताना बटालियनने खूप मजा केली. टाळ्या आणि शिट्ट्यांच्या आवाजात त्यांनी नागराज आणि सयाजी शिंदे यांचं स्वागत केलं. या चित्रपटात नागराज अस्सल मातीतला, तडफदार पोलीस अधिकाऱ्याची भूमिका साकारत आहेत.
